Zibersegurtasuneko Euskal Zentroak bere nazioarteko posizioa sendotu du Massachusetts Institute of Technology (MIT) zentroan
BCSC orobat aurkeztu da Europako eskualde batek garatutako jardunbide onena bezala sektoreko ETEentzat.
Basque Cybersecurity Centre (BCSC) – Zibersegurtasuneko Euskal Zentroak garrantzi handiko nazioarteko bi ekintza gauzatu ditu, Euskadi Europako erreferente bihurtzeko zibersegurtasun arloan eta Euskadiko zibersegurtasunaren industria- eta ikerketa-ekosistemaren posizioa indartzen jarraitzeko gure mugetatik kanpo, horiexek baitira Eusko Jaurlaritzako Ekonomi Garapen eta Azpiegitura Sailak SPRI Taldearen bitartez aplikatzen duen estrategiaren helburuak.
Hala, Javier Diéguezek, Basque Cybersecurity Centre (BCSC) – Zibersegurtasuneko Euskal Zentroko zuzendariak, Massachusetts Institute of Technology (MIT) zentroan azaldu du nolako gaitasunak dituen euskal ekosistemak zibersegurtasun arloko ikerketarako. Tecnaliako Ana Ayerbek, BCSCko Batzorde Iraunkorreko eta European CyberSecurity Organization-eko Zuzendaritza Batzordeko kideak, Euskadiren kasua aurkeztu du Bruselan esanaz lankidetza-eredu bat dela berrikuntzarako eta finantzaketa publikorako, eta baliagarria izan daitekeela jardunbide egoki bezala sektoreko ETEentzat.
Euskadiko zibersegurtasun ekosistemari buruzko bi aurkezpen horiek ia aldi berean egin dira, martxoaren 1ean (ostirala).
Hala, Javier Diéguezek zibersegurtasun arloan ikertzen ari diren Zientzia, Teknologia eta Berrikuntzako Euskal Sareko hamar eragile aktiboenen profil berritzailea aurkeztu dio MITeko zibersegurtasuneko ikerketa-taldeari. Hauexek dira hamar eragile aktiboenak: Tecnalia, Vicomtech, Ikerlan, BCAM, DeustoTech, Mondragon Unibertsitatea, UPV-EHU, Ceit, Tecnun eta Innovalia.
Hamar eragile horiek katalogaturik ageri dira duela gutxi argitaratu den Euskadiko Zibersegurtasunaren Liburu Zurian. BCSCko zuzendariak hizpide hartu ditu hainbat proiektu garrantzitsu, helburutzat dutenak zibersegurtasun teknologia transferitzea gure industriako sektore estrategikoetara, eta orobat aipatu ditu startup teknologikoen sorkuntza bultzatu duten kasu arrakastatsu batzuk.
Bestalde, Bruselan, European CyberSecurity Organization (ECSO) erakundeak Zibersegurtasuneko Euskal Zentroa -eta, beraz, Euskadi- proposatu du lankidetza publiko-pribatuko eredu gisa berrikuntzan eta finantzaketa publikoan, eta orobat esan du jardunbide egoki bat dela zibersegurtasuneko ETEentzat.
Hala, Tecnaliako Ana Ayerbe, BCSCko Batzorde Iraunkorreko eta European CyberSecurity Organization-eko Zuzendaritza Batzordeko kidea, Estatu Batuetan dagoen Javier Diéguezen ordez aritu da bertatik bertara azaltzeko Euskal Zentroak Europako eskualde gisa duen esperientzia. Sareen eta Informazioaren Segurtasuneko Europako Agentziak (ENISA) antolatu du saio hori.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
SOC-Ek bere kokapen zientifiko-teknologikoa sendotu nahi du esparru aeroespazialean
Bizkaiko konpainiak Etherneten oinarritutako komunikazio-soluzioak eskaintzen dizkie Airbus, Boeing, Lockheed Martin edo Blue Origin bezalako bezeroei, eta sektore horretara bideratutako Time-Sensitive Networking (TSN) komunikazio ziberseguruetarako I+G proiektu handi batean murgilduta dago.