Elkarmedia “etengabeko I+Gn” dago bezeroei irtenbide digital pertsonalizatuak emateko

Elkarmedia softwarea, web diseinua eta zibersegurtasuna garatzen dituen enpresa gipuzkoarra da. Bezeroei hazten eta negozio-prozesuak optimizatzen lagunduko dieten tresna digitalak eskaintzen ditu, garapen teknologiko pertsonalizatuen bidez, hala nola web aplikazioak edo sistemen eta sareen kudeaketa. 

1996an jaio zen, Azkoitian, ingeniaritza informatikoaren arloan zerbitzu integralak eskaintzeko asmoz. Hasieratik softwarea, zibersegurtasuna eta multimedia proiektuen garapenaren aldeko apustua egin zuen, eta bere helburua Urola Erdian erreferente teknologiko bihurtzea zen. Etengabe egokitu da sektorearen eskaera berrietara, garapen digitalaren abangoardian mantentzeko. “Zerbitzu eta produktu berritzaileak gehitu ditugu gure bezeroen beharretara erabat egokitutako soluzio osoak eskaintzeko”, adierazi du Elkarmediako CEO Jose Antonio Sudupe Unanuek. 

“Herriko talde txiki bat bezala hasi ginen, baina gaur egun hainbat sektoretako bezeroekin lan egiten duen talde finkatua gara, bai eskualde mailan, bai estatu mailan”, azaldu du Elkarmediako CEOak. Langile “konprometitu eta moldagarriak” izateak hazten, berritzen eta proiektuak garatzen jarraitzeko aukera eman dio, bai tokiko enpresa txiki eta ertainekin, baita eremu publikoko korporazio eta erakunde handiekin ere. Industriaren, turismoaren, merkataritza elektronikoaren eta hezkuntzaren sektoreetara bideratzen da nagusiki. 

Elkarmediak negozio-aukera berriak aztertzen ditu adimen artifizialean oinarritutako teknologiekin. Teknologia hori softwarea garatzeko zerbitzuetan integratu nahi du, zeregin errepikakorrak automatizatzeko eta bezeroen prozesuen eraginkortasuna hobetzeko, edo irtenbideak eskainitzeko, chatbotak edo analitika aurreratuko tresnak, esaterako. Gaur egun, IA aplikatzen duten proiektuak ditu, errepide-sarearen eta azpiegitura kritikoen segurtasuna ikuskatzeko edo enpresan funtsezko gaitasunen eskurapena balorizatzeko eta neurtzeko. 

Era berean, bezeroekin “etengabeko I+Gn” dago zenbait proiektutan, besteak beste, energia-optimizaziorako industria-planta digital bat egiten, edo itsas garraioko floten deskarbonizazio eraginkorrerako estrategia berritzaile eta adimendunak ikertzen. Jose Antonio Sudupe Unanue ilusionatuta dago ‘EMentxe’ merkaturatzearekin, enpresen barne-prozesuak optimizatzeko pentsatutako kudeaketa integralerako plataforma, eta ‘Basokosistema’, Euskadin baso-kudeaketa jasangarriarekin finkatutako karbonorako merkatua ezartzearekin. 

Altuna y Uria, Irukoberri, Arellano, Aidesegi eta Tecnalia ikerketa-zentroarekin batera, SPRIren Hazitek programaren barruko Ciclo proiektuaren parte da. Eusko Jaurlaritzak eta Eskualde Garapenerako Europar Funtsak (EGEF) batera finantzatuta, lehendik dauden eraikinei bizi-ziklo berria ekarriko dien eraikuntza-sistema modular industrializatu berria ikertzea eta garatzea du helburu, zirkulartasun-printzipioen arabera. 

Epe laburrean, neurrira egindako softwarea garatzeko zerbitzuak zabaltzen jarraitzea bilatzen du, prozesuak automatizatzen eta bezeroen errendimendua hobetzen laguntzeko. Epe luzera, “Euskadiko ETEen eraldaketa digitalean erreferente izan nahi dugu, aliantza estrategikoak sendotuz eta beste merkatu batzuetan dugun presentzia zabalduz”, ondorioztatu du Elkarmediako CEOak. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.