Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
SPRI Taldeak, Enpresa Digitala egitasmoaren bidez, “Enpresen Networkinga 2024 – Smart Industry kongresua” egingo du apirilaren 24an, Bilbon, enpresa industrialen eta zerbitzu digitalak ematen dituzten enpresen arteko elkarlana aktibatzeko. Beste pauso bat da euskal enpresei haien eraldaketa digitalean laguntzeko, hala, lehiakorragoak izan daitezen. Enpresen garapenerako euskal agentziak topaketa hau antolatu du, hainbat sektore industrialetako (automobilgintza, aeronautika, energia edo makina-erreminta) enpresek hornitzaileen zerbitzua ezagutu dezaten. Hornitzaile horiek produktu teknologikoen bidez lagunduko diete, haien negozioaren errentagarritasuna hobetzeko.
Kongresu honetan, ETE-ek eskura izango dituzte EIKTen hainbat hornitzaile, “industria adimendunaren” sektoreetan esperientzia egiaztatua dutenak. Horiekin bilerak eska ditzakete, eta haien negozioari ongien egokitzen zaizkion produktuak/zerbitzuak ezagutu ditzakete. Teknologia hauek jarriko dira mahai gainean: fabrikazio aditiboa, robotika kolaboratzailea, sistema ziberfisikoak, errealitate areagotua, errealitate birtuala, ikusmen artifiziala, cloud computing, big data, zibersegurtasuna eta adimen artifiziala.
Bileren agenda pertsonalizatu bat izango dute enpresa industrialek eta EIKT zerbitzuak hornitzen dituzten enpresek, euren artean adoztatuta.
Leyre Madariagak, Eusko Jaurlaritzako Eraldaketa Digitaleko eta Ekintzailetzako zuzendariak, emango dio hasiera kongresuari. Tomás Iriondo GAIAko (EIKT sektoreko enpresa guztiak biltzen dituen klusterra) zuzendari nagusiak ere parte hartuko du, eta honakoari buruz hitz egingo du: “TEII sektorea, NEXT eraldaketa-estrategien zerbitzura”.
Ondoren, hiru enpresak haien esperientzia partekatuko dute industria adimendunaren garapenaren gainean eta laugarren iraultza industriala deritzonari aurre egiteko moduaren gainean. Enpresa interesdunen arteko bi aldeko bilerekin amaituko da ekitaldia.
Eusko Jaurlaritzaren 2025erako Euskadiko Eraldaketa Digitaleko Estrategiaren barruan kokatzen da kongresua. Erakundeen arteko lankidetza sustatzea da egitasmo honen helburua, ekoizpen-prozesuetan EIKTak (Elektronika, Informazioa eta Komunikazioaren Teknologiak) txertatzea bultzatzeko, enpresetan industria adimenduna garatzeko apustu gisa, euskal industriaren eraldaketa digitala moldatzeko eta abiadura ezberdinak saihesteko helburuz.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.