Eredu ekonomiko sostengarriek “Europa marka” berri bat sor dezakete
CESE erakundeak Europar Batasunarentzako gomendioak biltzen dituen irizpen bat aurkeztu zuen Bilbon
Herrialde garatu askok gizarte eta ingurumen arloetan dituzten erronken aurrean, eredu ekonomiko berriak sortzen ari dira, zalantzan jartzen dutenak gauzak egiteko modu tradizionalak. Mugimendu horietako batzuk dira, esaterako, ekonomia zirkularra, ekonomia partekatu edo kolaboratiboa, ongia komunaren ekonomia edota finantza arduratsuak. Xede desberdinetara bideratuta dauden arren, eredu horiek badute ezaugarri komun bat, helburu ekonomikotik harago doan balioa sortu nahi dutelako, ekoizteko eta kontsumitzeko modu sostengarriagoak sustatuz.
Europako Ekonomia eta Gizarte Batzordeak dioen bezala, horrelako ekimenak “aukera paregabea dira Europar Batasunarentzat, EB lider bihurtu daitekeelako “Europa marka” berria definitzen duten eredu ekonomiko berritzaileen arloan. Eredu horiek bereiziezin egiten dituzte oparotasun ekonomikoa, babes soziala eta ingurumen sostengarritasuna bezalako kontzeptuak”. Gainera, CESE erakundearen arabera, eredu berri horiek aukera bikaina dira konponbide berriak bilatzeko erronka handientzat, hala nola, hauentzat: baliabide mugatuak, ingurumenaren degradazioa, langabezia edota bazterkeria soziala.
CESEk Nuevos modelos económicos sostenibles irizpena aurkeztu zuen Bilbon apirilaren 13an, Euskadiko Ekonomia eta Gizarte Batzordearen (CES/EGAB) eskutik. Dokumentu horrek Europar Batasunari zuzendutako hainbat gomendio jasotzen ditu, helburutzat dutenak eredu ekonomiko berri horien potentziala aprobetxatzea. Irizpen horren aurkezpenean izan ziren Gonzalo Lobo Xavier, CESEko presidenteordea, Francisco José Huidobro CES/EGABeko presidentea, Alberto Alberdi Larizgoitia, Eusko Jaurlaritzako Ekonomia, Finantza eta Aurrekontu sailburuordea, Izaskun Bilbao Barandica euro-parlamentaria eta Carlos Trias Pintó, irizpenaren egileetako bat.
Aurkeztutako gomendioetako bat da egitura egonkor bat sortzea ekonomia sostengarri berriarentzat, zeinak ebaluaziorako bitartekoak (behatoki bat) izango baititu eredu berrien garapena gainbegiratzeko. CESEren arabera, funtsezkoa da orobat ikerketa bultzatzea, jakiteko zein den ingurumen sostengarritasunean eta sostengarritasun sozial eta ekonomikoan duen benetako inpaktua. Bestalde, finantzaketa eskuratzeko bidea ireki behar zaie horrelako ereduekin lotutako ekimenei, eta EBn existitzen diren politika sektorialetan integratu behar dira.
CESEren irizpenak dio eredu horiek dagoeneko ari direla aldatzen ekoizle, banatzaile eta kontsumitzaileen arteko harremanak. Posible egiten dute balioa sortzea ondasunak eta zerbitzuak kontsumitzeko eta trukatzeko modu berrien bidez, baina gatazkak ere sortzen dituzte, batik bat lan eskubideen edota lehia fiskal desleialaren arloetan. Horregatik, beharrezkoa da espiritu kritikoa mantentzea horrelako ereduen helburuei eta benetako ondorioei dagokienean.
Irizpena egiteko prozesuan parte hartu dute NESI – New Economy and Social Innovation nazioarteko foroak eta Europako beste hainbat erakundek. Bestalde, aurkezpen horrexetan abiarazi zen Bikonsulting euskal aholkularitzak bultzatutako “NESI Euskadi” tokiko gune berria. NESI sare ireki bat da, ongia komunaren ekonomia bultzatzen duten antolakundez eta eragilez osatua dagoena.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.