ETEek, mikroETEek eta langile autonomoek prestakuntza-ibilbide bat izango dute merkataritza elektronikoari buruz
Martxoaren 30etik aurrera, ETEek, mikroETEek eta langile autonomoek aukera izango dute SPRI Taldeak (Enpresa Digitala zerbitzuaren bitartez) diseinatutako prestakuntza-ibilbide bat jasotzeko merkataritza elektronikoari buruz (eCommerce). Ekimen horrek hamabi jardunaldi eta tailer izango ditu, zeintzuetan azalduko den nolako esperientzia praktiko eta errealak garatu dituzten hamalau profesionalek. Asmoa da laguntza ematea batez ere enpresa txikienei, jakin dezaten euren negozioa prest ote dagoen merkatu digitalak ekarri duen eszenatoki berrirako.
Ibilbide honetako parte-hartzaileek ikasiko dute nola aplika daitekeen merkataritza digitala sektore bakoitzean, nola aztertzen den lehia eta zeintzuk diren mundu digitalarekin eta onlineko salmentarekin lotutako beste faktore batzuk, hala nola ordainketa-bideak, legearekin lotutako alderdiak, web analitika, e.a. Ikastaro eta tailerren edukiak elkarren osagarriak dira eta elkarren jarraian emango dira ekintza global bat osatzeko.
Jarduerak online egingo dira eta onlineko salmentaren oinarrizko alderdiak landuko dituzte, esaterako nola definitu behar den negozio-eredu bakoitza, nola aplikatzen den marketineko estrategia, eta onlineko salmenta optimizatzeko lagungarri izan daitezkeen alderdi guztiak.
Pandemiak sortu duen eszenatoki berriak azkartu egin du merkatu digitaleranzko trantsizioa. Une honetan Espainiako biztanleriaren %72k online erosten du, eta egin diren azterlanek aurreikusten dute eCommerce-ko eskaera guztien laurdena mugaz gaindikoa izango dela 2022rako.
2020an, pandemiaren testuinguru betean, aldatu egin dira erosketa-ohiturak, eta elikadurak (hurbiltasunezko negozio tradizionalak) izan du hazkunde handiena. Halaber, elikadurak eta kulturak gainditu egin dute bidaien sektorea, orain arte hain aktiboa izan dena sarean. Aipatzekoa da, erosketa-ohiturak ez eze, gailuen erabilera ere nabarmen aldatu dela, eta sakelakoek indar handia hartu dutela batez ere gazteen artean.
Ekintzen egutegia martxoaren 30ean hasiko da, eduki hauekin:
- Nola definitu zure eCommerce-aren negozio-estrategia (martxoak 30)
- Negozio-estrategiatik praktikara: nola diseinatu zure eCommerce-aren emaitzen kontua (apirilak 13)
- eCommerce-rako marketina: nola landu gure ADS estrategia (apirilak 19, 21 eta 22)
- Hobetu zure eCommerce-aren bihurketa CRO metodologia batekin (27 de abril)
- eCommerce-rako marketina: nola definitu eta ebaluatu gure SEO estrategia (maiatzak 3, 5 eta 6)
- eCommerce-rako sare sozialak
- Izan ikusgarritasuna eta saldu AMAZONen
- Nola diseinatu eCommerce-ko gure leialtze estrategia (momentuz, maiatzaren 24an)
- eCommerce-rako ordainketa-bitartekoak eta ordainketa-pasabideak (momentuz, ekainaren 1ean)
- eCommerce-ko logistika eta nazioartekotzea (momentuz, ekainaren 8 eta 10ean)
- eCommerce-rako web analitika (momentuz, ekainaren 14, 16 eta 18an)
- Merkataritza elektronikoko alderdi juridiko giltzarriak (momentuz, ekainaren 21ean)
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna