ETESS, ekonomia soziala hazkunde adimendunaren iturri gisa
Konfekoop da proiektu europar horren bazkideetako bat.
Gizarte Ekonomian Mugaz gaindiko Lankidetzako Eskola – ETESS ekimenaren helburua da ekintzailetza soziala eta solidarioa bultzatzea lurraldeek garapen sostengarriagoa eta adimendunagoa izan dezaten. Ikuspegi horretatik abiatuta, ETESS proiektuaren asmoa da tokian tokiko agenteak gaitzea beren enplegu-aukerak hobetzeko eta ekonomia sozialaren sektorean proiektu kolaboratiboak garatzeko. Era berean, ETESS ekimenaren helburua da enpresa sozialen sarea sendotzea martxan dagoen hiru eskualdeetan: Nafarroan, Euskadin eta Pirinio Atlantikoetan.
Proiektuan lau bazkide daude: ANEL – Nafarroako Gizarte Ekonomien Enpresak Elkartea, Konfekoop – Euskadiko Kooperatiben Konfederazioa, CBE Seignanx – Comité de Bassin d’Emploi du Seignanx eta Hendaiako Udala. Europar Batasunak parte hartuko du proiektuaren garapen prozesuan, eta Eskualdeen Garapenerako Europako Funtsak ko-finantzatuko du Interreg POCTEFA programaren bitartez.
ETESS proiektuaren jarduera-ildo garrantzitsuena da Mugaz gaindiko Eskola bat sortzea tokian tokiko agenteekin, ekintzailetza sozialaren arloko gaitasunak garatzeko. Hala, kolektiboki eginiko prestakuntza-programa bat sortuko da, tokiko eragilez osatutako sare bat osatuko da jardunbide egokiak eta ezagutzak trukatzeko, eta proiektu berritzaileak abiaraziko dira eskualde pilotuetan.
Otsailaren 8an ospatu zen Hendaian Ekonomia Sozial eta Solidarioaren Mugaz gaindiko lehen Jaia. Topaketa horretan hizpide hartu ziren ETESS proiektuan eginiko aurrerapenak, bai eta ekimenean parte hartzen duten lurraldeetan abian diren kasu arrakastatsuak. Nafarroaren kasuan, “4 haranen proiektu pilotua” aurkeztu zen, zeinaren helburua baita 3.000 biztanle inguruko landa-eremu baten garapena bultzatzea, turismo sostengarriarekin eta nekazaritza eta elikadura sektorearekin lotutako ekimenen bidez. Proiektu pilotu horren barruan prozesu parte-hartzaile bat egingo da Gure Sustraiak kooperatibaren parte-hartzearekin.
Euskaditik ETESS ekimenaren babesa duten hainbat proiektu aurkeztu ziren, hala nola, gazte-ekintzailetza sustatzeko Kimuberri ekimena (Debagoienako Garapen Agentziak sustatua) edota Koopfabrika, ekintzailetza sozialeko proiektuak bultzatzeko prestakuntza-programa (Debagoiena, Beterri-Buruntza eta Oarsoaldea eskualdeetan martxan dagoena eta duela gutxitik Bilbon ere bai).
ETESS
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.