Euskadiko 102 enpresek, Eusko Jaurlaritzak zibersegurtasun industriala bultzatzera bideratutako lehen laguntzak jaso dituzte
SPRI taldeak miloi 1 euro bideratu du, enpresa industrialek zibersegurtasunean euren heldutasun maila areagotu dezatenerako zibersegurtasun neurrien aplikazioa sustatzeko asmoz. Honela, gainera, zibererasoei aurre egiteko babestuagoak egongo baitira eta zibersegurtasuna lehiakortasun hobari moduan aprobetxatzeko aukera izango dute.
Aurrekontua eskaera maila handia dela eta areagotu zen
Laguntza, Zibersegurtasun Euskal Zentroaren sorreraren testuinguruan kokatzen da
102 enpresek, horietatik 56 gipuzkoar, 25 bizkaitar eta 21 arabar, aurten zibersegurtasun industriala bultzatzeko Eusko Jaurlaritzaren laguntza programari etekina atera diote. SPRI Taldeak bultzatutako programa gure inguruan aitzindaria dena, hasiera batean 600.000 euroko diru-saila zuen eta, enpresen eskaera handiari so eginda, diru kopuru hori milioi bat eurora arte handitu da. Inbertsio publiko honek, zibersegurtasunean inbertsio pribatua sustatzeko balioko du -2,34 milioi eurora heldu arte-.
Zibersegurtasun Industrialera bideratutako laguntza programak, 18.000 euro eskaintzen ditu enpresa bakoitzeko, eta bere helburua, Zibersegurtasun Industriala bultzatzea da, batez ere, industria manufaktura- enpresen IT/OT (Information Technology / Operational Technology) inguruetarako, zibererasoak ekiditeko babes-sistemen konbergentzia eta integrazioari ekiten dioten proiektuetan, batik bat.
Zibersegurtasun Industrialera bideratutako laguntzak, SPRI Taldean osatutako eta Arabako Parke Teknologikoan kokatutako Zibersegurtasun Euskal Zentroaren (BCSC) sorreraren testuinguruan sortutako ekimen aitzindaria da; bere helburu nagusiak, jarduera dinamizatzea eta zibersegurtasunarekin erlazionatutako enpresa sektorea indartzea dira, baita arlo honetan Euskadi erreferente internazional moduan kokatzea eta euskal gizartean segurtasun informatikoaren kultura sustatzea ere.
2017ko irailean Zentroa martxan jartzearekin hasitako eta zibersegurtasun industrialera bideratutako laguntza plana bezalako ekimen desberdinekin berretsitako Zibersegurtasunaren aldeko apustua, Eusko Jaurlaritzak Euskadiko enpresa eta herritarrekin duen konpromisoaren adierazle da eta gure herria Zibersegurtasunaren esparruan nazioarte mailako erreferente izatera bultzatzen du.
Zibersegurtasun Industrialarekin erlazionatutako ekimen honetan babesten diren arlo zehatzak, zenbait adibide aipatzearren, hauek dira: zibersegurtasun sistema perimetralen hobekuntza eta inplementazioa interneterako konexioan, zibersegurtasun kontu-ikuskapenak, sareko segurtasunaren inplementazioa, plan estrategiko eta plan gidatzaileak fase desberdinetan, urrutiko atzipen seguruak, erabiltzaile industrialen zibersegurtasunerako entrenamenduak, segmentazioa eta sekurizazio perimetrala, suebakiak, segurtasuna komunikazioetan, etab.
2018an estreinatutako Zibersegurtasun Industrialera bideratutako laguntza lerro berriak 2019an ere jarraituko du, Eusko Jaurlaritzako Ekonomia Garapen eta Azpiegitura Sailburu Arantxa Tapiak, Basque Cybersecurity Day ekitaldian aurreratu bezala.
Lotutako albisteak
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.
ENSen kalifikazio gorena lortu du Izertisek, eta administrazio publikoen eta enpresen bazkide estrategiko gisa zuen posizioa indartu du
Informazioa kudeatzen duten sistema, aplikazio eta zerbitzuetan duen maila ezin hobea ziurtatu du aholkularitzak; Gasteizen du egoitza