Euskadiko erakunde publikoak batera ari dira lanean sareko mehatxuen aurrean
Arabako Parke Teknologian ospatu den jardunaldian sareko segurtasuneko intzidentzien kudeaketari lotutako eskumenak dituzten erakunde publiko desberdinek hartu dute parte.
Funtsezkoa da jazoeren aurrean erantzun bateratu eta koordinatua sustatzea, babestuago egoteko.
Sareko kriminalek asko garatu dute beren jarduna azken urteetan, profesionalizazio maila altuak erdietsiz. Horri eskerrak, eta automatizazioari eta «crime as a service» bezala ezagutzen denari esker, sareko erasoak haziz doaz urtez urte. 2018. urtean sareko 12.875 delitu kudeatu zituen Ertzaintzak, 2013ko 4.273en parean. Gaur egun oso profesionalak dira sareko kriminalak, finantziazio-iturri sendoak dauzkate eta modu bateratuan lan egiten dute beren helburuak erdiesteko.
Kontutan izan behar da, gainera, etengabeko bilakaeran daudela sareko mehatxuak, kasuetako batzuetan oso altua dela horien sofistikazio maila, eta sareko kriminalek etengabe bilatzen dituztela beren jardun maleziatsuak gauzatzeko modu berriak; izan ere, etekin ekonomikoa ahalik eta inbertsio-itzulera handienarekin lortzea dute estrategiatzat.
Guzti horrek erronka handia suposatzen du mehatxu horiei aurre egin behar diegunentzat.
Nola egin aurre egoerari? Funtsezkoa da esfortzuak bateratzea babestuta egoteko. Eta lan horretan denok har dezakegu parte, erabiltzaileetatik hasi eta enpresa, erakunde publiko autonomiko, nazional eta internazionaletaraino.
Testuinguru horretan, urteak dira Euskadiko erakunde publikoak kolaborazioan ari direla, sareko mehatxuen aurrean babestuago egoteko helburuarekin. Horren eredu garbi da ostirala honetan Arabako Parke Teknologikoan ospatu den jardunaldia, honako erakundeen parte-hartzearekin:
- Datuak Babesteko Euskal Bulegoa
- Gasteizko Udala
- BilbaoTIK
- CCASA
- Zibersegurtasun Euskal Zentroa
- DonostiaTIK
- EJIE
- Ertzaintza
- Izenpe
- IZFE
- Lantik-Bizkaiko Foru Aldundia
- Metaposta
- Osakidetza
- SPRI
- Ziur
Helburua: zibersegurtasuneko jazoeren aurreko erantzunean gaitasunak eta koordinazioa hobetzea
Zibersegurtasuneko jazoeren aurrean erantzuna emateko gaitasunak hobetzeko ezarritako helburuarekin aldizka egiten diren ekimenen parte egiten du jardunaldiak, erantzun bateratu eta koordinatu baten aldeko apustua eginez Eusko Jaurlaritzako esparru desberdinetatik.
Jardunaldian zibersegurtasunaren esparruan egun dagoen egoerari buruzko gai desberdinak landu dira, eta ekimen bateratu berriak martxan jartzeko bidea eman du horrek.
Role play bat ere egin da, jarduera praktiko gisa. Eragin potentzial larriko jazoera baten kudeaketan jarraibideen barneratzea entrenatzeko helburuarekin egin da jarduera praktikoa, erantzun-mekanismoak hobetu eta hobekuntzarako puntuak identifikatzeko.
Bukatzeko, bisita egin da BCSCko instalazioetara, bai egoitza nagusira eta bai Basque Digital Innovation Hub zentroko zibersegurtasuneko Cyber Range nodora.
Zibersegurtasunaren Euskal Zentroak (BCSC), 2017an sortu zenetik, Euskadiko zibersegurtasunaren heldutasun maila handiagotzea izan du betekizun nagusietakotzat; horretarako, kolaborazio- eta konfiantza-harremanak ezarri behar dira nazioko eta nazioarteko beste erakunde publiko eta pribatuekin, zibersegurtasuneko jazoerei erantzun bateratu eta koordinatua emateko. Ildo horretan, CSIRT.ES, FIRST edo ECSO bezalako ekimenen parte egiten du zentroak, eta Euskadi toki seguruago bat egingo duten bide berriekin bat egiteko aukerak identifikatzen dihardu.
Geroz eta entrenamendu gehiago, orduan eta arrakasta-indize handiagoa
Entrenamendua funtsezko aspektua da orokorrean edozein esparrutan, eta zibersegurtasunean bereziki. Simulakroak egiteak jazoeren aurreko erantzunaren ohiko operatiboa hobetzeko bidea ematen du. Lan-arriskuen prebentzioaren baitan sute-simulazioak egiten diren bezala, zibersegurtasuneko jazoeren kudeaketaren esparruan simulazioak egiteak honako hauek ahalbidetzen ditu:
- Prozesuan hobekuntza-puntuak identifikatzea.
- Gauzatu beharreko ekintzak barneratzea.
- Egoera estresagarrietan lan egitera ohitzea, hori baita benetako jazoera bat ematen denean gertatu ohi dena.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
SOC-Ek bere kokapen zientifiko-teknologikoa sendotu nahi du esparru aeroespazialean
Bizkaiko konpainiak Etherneten oinarritutako komunikazio-soluzioak eskaintzen dizkie Airbus, Boeing, Lockheed Martin edo Blue Origin bezalako bezeroei, eta sektore horretara bideratutako Time-Sensitive Networking (TSN) komunikazio ziberseguruetarako I+G proiektu handi batean murgilduta dago.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.