Euskadiko Zibersegurtasun Zentroak zibermehatxuetatik babestuko ditu .EUS domeinuak
PuntuEUS Fundazioarekin sinatutako akordio bati esker
SPRI Taldean integratuta dagoen Euskadiko Zibersegurtasun Zentroa (BCSC) eta PuntuEUS Fundazioa lankidetzan arituko dira mehatxuetatik babesteko nabigazioa eta .EUS domeinuak. Zehazki, bi antolakundeek elkarri lagunduko diote .EUS domeinuetan eragina duten zibersegurtasun-gertakariak kudeatzen eta domeinu horiek babesten. Lankidetza hori finkatzeko akordio bat sinatu da, elkarrekin identifikatzeko gehienbat Euskadin eragiten duten zibermehatxuak.
PuntuEUS Fundazioak adierazi duen bezala, “akordio honi esker .EUS Fundazioak alde batera utziko ditu merkatuko konponbide estandarrak, oraintsura arte .EUS domeinuen komunitatea zaintzen zutenak. Tresna propio bat garatuko dugu BSCS-rekin, merkatuko tresnekin lortu ezin den segurtasun-maila lortzeko. Ekimen aitzindaria da, eta horri esker, .EUS munduko domeinu seguruenetakoa izango da”.
2013ko ekainaren 14an ICANNek (sareko domeinuak kudeatzen dituen erakundeak) .EUS domeinua sortzea onartu zuenetik, puntuEUS da euskaren eta Interneteko euskal kulturaren topagunea. Euskal komunitate digitalarentzako aitortza hori posible izan da PuntuEUS elkarteak –gero PuntuEUS Fundazio bihurtu denak .EUS domeinua kudeatzeko– urtetan eginiko lan gogorrari esker.
Iaz 7.000tik gora .EUS domeinu erregistratu ziren, eta BCSCrekin itxitako lankidetza-akordioak erantzuna ematen dio hazten jarraitzeko premia latente bati.
Lankidetza horrek erakusten du, beste behin ere, era guztietako erakundeen arteko lankidetza beharrezkoa dela zibersegurtasun arloko mehatxuei aurre egiteko, eta horixe azpimarratu zuen Euskadiko Zibersegurtasun Zentroak maiatzaren hasieran Bilbon egin zen NextSecure ekitaldian. Zibergaizkileek gero eta teknika aurreratuagoak erabiltzen dituzte eta elkarren artean antolatzen dira eraso bateratu eta globalak egiteko, halako gisaz non zibersegurtasunaren sektoreko eragile guztien lankidetza estua baita beren lana eragozteko bide bakarra.
Euskadiko Zibersegurtasun Zentroak aktiboki jarraituko du lankidetza-akordioak bilatzen eta ixten tokiko eragileekin (PuntuEUS fundazioaren kasua), Estatukoekin eta nazioartekoekin. Zentzu horretan, Zibersegurtasunerako Institutu Nazionalak (INCIBE) egingo du BCSC-ren ebaluazio-bisita, bisita horren helburua delarik BCSC FIRST sareko eskubide osoko kide izan dadila zibersegurtasun arloko gertakariei erantzuteko lantaldeen munduko antolakunde handienean.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
SOC-Ek bere kokapen zientifiko-teknologikoa sendotu nahi du esparru aeroespazialean
Bizkaiko konpainiak Etherneten oinarritutako komunikazio-soluzioak eskaintzen dizkie Airbus, Boeing, Lockheed Martin edo Blue Origin bezalako bezeroei, eta sektore horretara bideratutako Time-Sensitive Networking (TSN) komunikazio ziberseguruetarako I+G proiektu handi batean murgilduta dago.