Euskadiko zibersegurtasuneko bederatzi agente ikertzailek bat egin dute enpresak zibererasoen aurrean defendatzeko
Euskadiko zibersegurtasunaren arloan ikerketa indarra duten agenteen zati batek proiektu baten bidez batu egin da, euskal enpresetan erresilientzia hobetzeko gero eta ohikoagoak diren zibererasoen aurrean. Sendai (SEgurtasun integrala iNDustria AdImentsura) izenpean eman dute pausoa. Ikerketa-proiektua hori Eusko Jaurlaritzaren Ekonomiaren Garapen eta Azpiegitura Sailaren Elkartek 2019 programak finantzatzen du, eta BCSCren (Basque Cybersecurity Centre) estrategia jarraitzen du. Proiektua 2019ko ekainaren 1ean hasi zen, eta 2020ko abenduaren 31n amaituko da. Gainera, Euskal Autonomia Erkidegoko zibersegurtasuneko bederatzi agente ikertzaile biltzen dira ekimen honetan: Tecnalia, Ikerlan, Vicomtech, BCAM, Ceit, Mondragon Unibertsitatea, Tecnun, UPV/EHU eta Deustuko Unibertsitatea.
Zibersegurtasuna hobetzeko lan egiten duten euskal erakundeek bi jarduera-arlotan aurrera egiteko beharra identifikatu dute: profil egokiak dituzten profesionalak gaitzea eta prestatzea, eta zibersegurtasun industrialari lotutako arriskuak arinduko dituzten teknologia egokiak lortzea. Testuinguru horretan garatuko du bere jarduera Sendai proiektuak. Sekutek eta Cyberprest proiektuek hasitako bidearen jarraipena izango da ekimena, eta laborategien inguruan garatuko du teknologia. Basque Digital Innovation Hub-eko (BDIH) Zibersegurtasun Nodoaren Laborategietatik hain zuzen ere: benetako ingurune operatiboak simulatzeko cyber-ranges laborategia (Tecnalia), blockchain laborategia (Tecnalia), Smart Grideko zibersegurtasun laborategia (Tecnalia), Automobilgintzako zibersegurtasun laborategia (Tecnalia), Produktuaren zibersegurtasuna ebaluatzeko laborategia (Ikerlan), 4.0 Industria seguruaren laborategia (Vicomtech) eta adimen artificialeko eta zibersegurtasuneko laborategia (BCAM). Era berean, Basque Cybersecurity Centre Zibersegurtasunaren nodoaren jarduera guztiak koordinatzeaz arduratzen da.
Proiektuaren helburua euskal industrian zibererasoen aurrean duen erresilientzia hobetzea eta zibersegurtasun industrialaren ezagutza sustatzea da. Sendaik sektore anitzentzako erantzunak eskaintzen du, eta epe ertaineko aplikazioak eta konponbideak garatzeko aukera ematen du, hala nola segurtasun-maila handiagoko produktuak sortzea, modu seguruagoan jardungo duten ekoizpen-prozesuak garatzea, gaian kontzientziatuagoak eta trebatuagoak dauden pertsonak, eta, ondorioz, enpresa-sare erresilienteagoa, erantzunak emateko eta zibererasoak gainditzeko gaitasuna duena.
Ekimenak lortutako aurrerapenak ikerketaren bost ildo teknologikoen inguruan eman dira: zibersegurtasuneko ‘training‘ aurreraturako cyber-ranges industrialen garapena; kontrol industrialeko sistemetako konpromiso-adierazleak; osagai industrialen ebaluazio integralerako sistemak; datu deszentralizatuak biltegiratzeko distributed ledgers teknologiak; eta adimen artifizialeko algoritmoak BDIHko laborategietan kontzeptu-proba bezala egiteko.
Sendairen lehenengo urtean, oinarriak ezartzea lortu dute, besteak beste, BDIHn sortutako laborategien esparruan euskal cyber-range aurreratuaren garapena ahalbidetzeko; errealitate birtualeko, errealitate areagotuko eta 3D inprimaketako tresna berriak erabiltzea; PKI gako publikoko azpiegitura bat zabaltzea Hardware Security Module (HSM) bat erabiliz ziurtagiri digitalak gordetzeko; IIoT (Industrial Internet of Things) inguruneei SSI eskema orokorrak aplikatzea, bi mundu hauen arteko sinergiak aurkitzeko eta horien aplikagarritasuna egiaztatzeko; eta esperimentuen garapena, erasoei aurre egitea eta konfigurazioak optimizatzea ahalbidetzen duten egoera errealen bidez.
Eusko Jaurlaritzak zibersegurtasuna bultzatzen du euskal enpresetan, Basque Cibersecurity Centerren inguruan gai horri buruzko sare ekonomiko bat sortuz.
Lotutako albisteak
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.