Euskal enpresek TIC-entzako Europa mailako laguntzak ezagutzeko aukera izango dute Arrasaten egingo den jardunaldi batean
Besteak beste SPRI Taldeak antolatutako ekitaldiak Horizonte 2020 programak eskaintzen dituen aukerak ezagutzera emango ditu
Datorren urtarrilaren 10ean Ikerlanek Arrasaten duen egoitzan, TIC-en (Informazio eta Komunikazioen Teknologiak) esparruko ikerkuntza eta berrikuntza sektoreetan ematen diren nazioarteko aukerei buruzko jardunaldi informatiboa egingo da. Ekitaldia SPRI taldea, BEAZ, Innobasque (Basque Enterprise Europe Network sareko kideak) IKERLAN eta CDTI-k antolatu dute.
Jardunaldiaren helburua, Horizonte 2020 europar finantza programak (Europa mailan berrikuntza lerrorako laguntza programa handiena, 2014-2020 urte tarterako 80.000 milioi euro dituena), industria digitalizaziorako teknologiak, Big Data, Cloud technologies eta etorkizuneko Interneta bezalako TIC-en esparruko hurrengo deialdietan eskaintzen dituen aukerak ezagutzera ematea da.
Ekitaldiak iraun bitartean, aldebiko elkarrizketak hitzartu daitezke Fernando Martinekin (CDTI Estatuko agentziakoa), proiektu idei edo proposamen berrikuspenerako TIC-en harremanetarako puntu nazionalarekin. Interesdunek aukera hau markatu beharko dute jardunaldian izena emateko orduan urtarrilaren 4a baino lehen. Egin daitezkeen berrikuspen kopuru mugatua dela eta, inprimakia lehenbailehen betetzea gomendatzen da. Antolatzaileak, interesdunekin harremanetan jarriko dira informazio gehiago eskatu eta elkarrizketarako hitzordua zehazteko.
Azkenik, jardunaldia bukatutakoan, bertaratutako enpresekin parte hartzeko workshop bat egingo da, gai interesgarriak zeintzuk diren jakin eta etorkizunera begirako lankidetza ezartzeko asmoz. Horretarako, interesdunek era berean inskripzio inprimakian dagokion laukia markatu beharko dute.
Lotutako albisteak
Innobideak Prestakuntza: prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa