Eusko Jaurlaritzak 5 milioi euro eskainiko ditu makineria aurreratua ezartzeko enpresetan
Eusko Jaurlaritzak 5 milioi euroko laguntzak eskainiko ditu aurten makineria aurreratu berria ezartzeko eta, horrela, euskal ETEen suspertze ekonomikoa bultzatzeko Renove Industria 4.0 programaren bidez. SPRI Taldeak abiarazitako ekimen hori uztailaren 20an abiatuko da seguruenik, eta eskaerak aurkezteko epea urriaren 4an amaituko da. Renove Industria 4.0 planaren hirugarren edizio honen helburua da laguntzak ematea makineria eta ekipamendu aurreratua erosteko eta industria iraultza berriaren edo 4.0 industriaren barruan kokatutako proiektuak garatzeko. Itzuli beharrik gabeko dirulaguntzak izango dira.
Renove Industria 4.0 plana espreski zuzentzen zaie industri arloko enpresei eta produktu-prozesu industrialarekin lotutako zerbitzu-enpresei, eta gehienez 100.000 euroko dirulaguntzak ematen ditu enpresako, makineria berria edo/eta ekipamendu aurreratua (hardwarea eta softwarea) eros dezaten eta, bide horretatik, 4.0 Industriako proiektuak inplementatu ditzaten Fabrikazio Aurreratuaren arloan. Programa honen bidez baita ere finantzatzen dira proiektu horien inguruko aholkularitza gastuak. Eskaera bakoitzerako onartutako gehienezko gastu eta inbertsio-aurrekontuekiko dirulaguntza-portzentajea % 25ekoa izango da.
Iazko aurrekontua ere 5 milioi eurokoa izan zen, eta programak arrakasta handia izan zuen, 99 euskal enpresa eta 104 eskaera babestu baitziren.
Hala, makineria eta ekipamendu aurreratu horrek bideratzaile lana egin beharko du, aukera emanez Euskal Autonomi Erkidegoko enpresa industrialei 4.0 Industriako proiektuak gauzatzeko teknologia berritzaileak erabiliz, besteak beste, analitika aurreratua, IoT edo fabrikazio gehigarria.
Ohiko 4.0 makineria produktiboaz harago (tornuak, fresagailuak, artezteko makinak, mekanizazio-zentroak, e.a.), proiektuetan aurkeztuko den ekipamendu aurreratuak talde hauetakoren batekoa izan behar du eta enpresetako lantegi eta produkzio-prozesuen digitalizazioranzko konbergentzia ahalbidetuko du: sentsorika, robotika, errealitate areagotuko betaurrekoak, sareko HW/SW ekipoak edo komunikazio-ekipoak, eta abar.
Hala, diruz lagunduko diren proiektuek teknologia hauetakoren bat baliatu behar dute: big data eta analitika aurreratua, fabrikazio gehigarria, robotika aurreratua eta kolaboratiboa, IIoT (Industrial Internet of Things), adimen artifiziala, sistema ziber-fisikoak, errealitate birtual-areagotua, biki digitalak.
Makineria berriak eta ekipamendu aurreratuak gutxienez 50.000 euro (BEZ kontuan hartu gabe) balio behar du. 2021eko urtarrilaren 1etik aurrera entregatu eta martxan jarritakoak izan behar dira, eta kasu guztietan erosketa formalizatu eta hurrengo 12 hilabeteetan.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.
Mikel Jauregi: “Nazioarteko ziurgabetasunaren aurrean, baikortasunez eta ilusioz ari gara lanean Euskadiko industria Europako berrindustrializazioaren buru izan dadin”
Mikel Jauregi sailburuak modu positiboan baloratu du Sidenorreko presidente José Jainaga enpresaria buru duen euskal partzuergoak Trilantic funtsari Talgoren % 29,7 erosteko aurre-akordioa. Partzuergo horrek Eusko Jaurlaritzaren -Finkatuz Funtsaren bitartez- eta Caja Vital Kutxa eta Bilbao Bizkaia Kutxa fundazioen babesa du
Euskadik apustu industriala indartu du talde estrategiko batekin, Europan kokatzeko, erronka global handiei aurre egiteko eta nazioarteko jokalekuaren aldaketei aurrea hartzeko
Imanol Pradales lehendakaria buru izan da Defentsa Industrialerako Taldean. Foro honetan, erakundeak eta produkzio-sektoreak biltzen dira, gero eta handiagoa den protekzionismoaren eta ezegonkortasun globalaren aurrean estrategiak diseinatzeko eta lerrokatzeko