Eusko Jaurlaritzak, aste honetan, 56 MM €-ko laguntzen deialdia egingo du, zentro teknologikoen eta IKGen funtzionamendurako
Euskal agente teknologikoentzako izango den deialdiaren agindua EHAAn argitaratuko da, asteartean, apirilaren 17an.
2018an, Eusko Jaurlaritzak 192 MM-ko aurrekontua bideratuko du teknologiarako eta industriaren digitalizaziorako
Industria Doktoregoen programa berria sustatu da, enpresen beharrei erantzungo dieten doktoreen prestakuntzarako
Datorren asteartean, apirilaren 17an, Euskal Herriko Agintaritzaren Aldizkarian Euskadiko zentro teknologikoen eta ikerkuntza kooperatiborako guneen (IKG) “oinarrizko” finantzaketarako edo “jarduera ez-ekonomiko”rako laguntzen deialdia argitaratuko da.
Eusko Jaurlaritzak Euskadiko zentro teknologikoekin eta ikerkuntza kooperatiborako guneekin.
Diru laguntzen programa Eusko Jaurlaritzak finantzatzen dituen Zentro Teknologiko eta Ikerketa Kooperatiboko Zentroetara bideratuta dago. Horien artean, Tecnalia Research&Innovation, Azti, Neiker, Vicomtech, Cidetec, eta IK4 Aliantza barruan dauden zentroak, Gaiker, Azterlan, CEIT, Ikerlan, Lortek, Tekniker, eta Ideko; eta Ikerketa Kooperatiboko Zentro gisa, CIC Biomagune, CIC BioGune, CIC Energigune eta CIC Nanogune.
2020 Euskadiko Zientzia, Teknologia eta Berrikuntza Plana eta Ekonomiaren Garapen eta Azpiegitura Sailaren 2018ko Diru Laguntzen Plan Estrategikoa dira Eusko Jaurlaritzaren zientzia-, teknologia- eta berrikuntza-politika gauzatzeko oinarri, laguntzarako mekanismo, tresna eta jarduketa berezien bidez.
Tresna horietako bat EMAITEK PLUS programa da; horren helburua da Zientzia, Teknologia eta Berrikuntzaren Euskal Sareko zentro teknologikoen eta ikerkuntza kooperatiborako guneen (IKG) jarduera ez-ekonomikoa bultzatzea.
Programak finantzaketa esleitzen die, beren jardueraren emaitzen ebaluazioaren eta analisiaren ondorioz, eta 2020 ZTBPan zehaztutako zientzia eta teknologia estrategia berria garatzen eta zabaltzen laguntzen die, zehaztutako helburuak lortzen eta Berrikuntzaren Euskal Sistema finkatzen.
2018 EMAITEK PLUS programaren ekitaldirako deialdia 56.000.000 €-koa da, agente onuradunen bi kategoriaren arabera banatuta:
Zentro teknologikoak % 75 (42.000.000 €)
Ikerkuntza kooperatiborako guneak % 25 (14.000.000 €)
Itzultzekoak ez diren diru-laguntzak agente-tipologia bakoitzarentzat esleitzen dira, helburuak beteko direla bermatzen duten bi prozeduraren bidez:
Emaitzetara Orientatutako Zentroaren Eredura egokitzen den mailaren arabera esleitutako zenbatekoa.
Zentroek 2020rako ezarritako adierazleen aginte-taularen helburuak betetzeko dituzten jarduketa-planei esleitutako zenbatekoa.
Laguntzen deialdia apirilaren 17an kaleratuko da eta hurrengo egunean indarrean izango da.
4.0 Industriarako teknologia eta digitalizazioa: 192 milioi euro I+G+Brako 2018an eta beste 100 milioi euro bideratzeko konpromisoa 2021. urtera arte.
Eusko Jaurlaritzaren Ekonomiaren Garapen eta Azpiegituren sailak 2018an 192 milioi euro inbertituko ditu teknologia, Agenda Digital, berrikuntza ez-teknologiko eta nekazaritza eta arrantza arloetako I+G+B programetan. Gainera, aurrekontu honen bitartez, 100 milioi euro baino gehiagoko hainbat urtetarako konpromisoak hartzen ditu 2021. urtera arte.
I+G arloan jada ezagutzen diren programez (Hazitek, Emaitek, Elkartek eta Berrikertu) gain, Industria Doktoretzak babesteko ekimen bat gehitu da 5,8 milioi euroko zenbatekoagatik. Helburua doktoreak prestatzea izango da, enpresek hautemandako beharrei erantzuteko.
Nekazaritza eta arrantza arloetan I+Gren aldeko apustua (18,7 milioi) AZTI (6,7 milioi) eta NEIKER (8,8 milioi) Zentro Teknologikoen bitartez egingo da, baita Elikagai Industrien Zuzendaritzaren Doktoretzen eta Teknologoen Beken Programaren (1,6 milioi) eta Berriker (1,6 milioi) programaren bitartez ere**
Teknologia eta agenda digitaleko programa guztien industria-ikuspegia kontuan hartuta, basque industry 4.0 estrategiaren esparruan, Euskadiko Ziber-segurtasuneko Zentroa – Basque Security Center zentroaren funtzionamendurako aurten izendun-partida jaso da lehen aldiz. Lehen jarduera-urterako 1,5 milioi euro erabiliko dira
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute