GAIA klusterreko 315 enpresek % 7,5 gehiago fakturatu zuten 2022an
· I+Gko inbertsioa % 11 hazi zen 2022an, 169M €-tan kokatuz; esportazioen zifra, berriz, 2.850M €-tan kokatu zen iaz, hau da, % 9ko hazkundea 2021eko datuekin alderatuta.
· Gaur goizean Bilbon egindako prentsaurrekoan nabarmendu den bezala, Euskadiko Ezagutzaren eta Teknologiaren Industrien sektorearen historiako daturik onenak dira.
· 315 enpresa biltzen dituen GAIA Klusterrak bihar, ekainak 1, Bilboko Euskalduna Jauregian egingo du bere Batzar Nagusia eta 40. urteurrena ospatzeko ekitaldia.
“Gaur aurkezten ditugun emaitzek gure sektorea eta GAIA klusterra gure ekonomiaren erreferente gisa sendotzen dituzte, eta datozen urteetan hazkundearen oinarri izango diren eredu eta tresnak babesten jarraitzera animatzen gaituzte. Gurea bezalako sektore bat izatea, etorkizuna eraikitzeko beharrezkoa den ezagutza eta teknologia eskainiko dituena, aparteko lehia-balioa da, enpresei eta erakundeei eskaintzen dieguna. Sektorea prest dago, eta herrialdea ere bai. Gauza berriak egiteko garaia da “.
Hitz horiekin, Tomas Iriondo, GAIA Ezagutza eta Teknologia Industrien Klusterreko zuzendari nagusia, baikor agertu da gaur, Batzar Orokorra dela eta, bere historiako daturik onenak aurkeztu dituen Euskadiko sektorearen etorkizunaren aurrean. Bihar, Bilboko Euskalduna Jauregian ospatuko den 40. Urteurreneko ekitaldian, sektoreko 200 profesional baino gehiago bilduko dira.
Iriondok, era berean, pertsonek sektorearen garapenerako eta aurrerapenerako duten garrantzia azpimarratu du. Premiazkoa da dinamika berriak abian jartzea talentua erakartzeko, garatzeko eta mantentzeko. Urteak daramatzagu hori esaten, eta gaur egun inork ez du zalantzan jartzen. Espezializazioko profil profesionalik ez badugu, sektoreak hazkunde-arazo larriak izango ditu, eta gainerako sektoreak kaltetuko dira beraien trantsizio digitalean“, esan du.
Prentsaurrekoan, GAIAko Zuzendaritza Batzordetik sektorearen 2022. urteko zifra nagusiak aurkeztu dituzte. “Urte positiboa izan da, eta, ziur asko, sektoreko enpresetako ohiturak eta prozesuak aldatuko dira, datozen urteetarako planifikatutako jarduerei input eta erronka berriak gehituko baitzaizkie”.
Lanari dagokionez, 23.600 profesional inguru daude kontratupean, hau da, 1.350 langile berri baino gehiago eta 2021eko datuekin alderatuta %6.2 gehiago. Zortzigarren urtea da jarraian profesional kopuruak gora egiten duela, nahiz Klusterrak eskaintzaren eta eskariaren arteko desoreka nabarmentzen duten sektorearen hazkunderako faktore mugatzaile gisa. Hala ere, 2023an % 5eko hazkundea aurreikusten da enpleguan.
GAIAko arduradunen iritziz, enpresek etorkizunarekiko duten konpromisoa adierazten duen beste datu bat I+Gko inbertsioa da, 2022an 169M €-ra iritsi baitzen; % 11ko hazkundea da aurreko urtearekin alderatuta. Igoera hori teknologia gaitzaileen (IOT, Adimen Artifiziala, Esperientzia Adimena eta Zibersegurtasuna) aldeko sektore-apustu argi baten emaitza da, eta teknologia horiek sektoreak eskaintzen dituen irtenbide eta sistema guztietan dituzten premiei buruzko ikuspegi aurreratu baten ondorioa, adierazi dutenez. Klusterraren aurreikuspenen arabera, I+Gko inbertsioa % 10 inguru handituko da 2023an.
Fakturazioari dagokionean, 6.140M€-koa izan zen, %7,5eko hazkundea da hori 2021eko negozio-zifrarekin alderatuta. Hurrengo urteetarako aurreikuspena fakturazioak igotzen jarraituko duela da, batez ere, sektoreak hiru trantsizioen garapenean (digitala, ekologikoa eta sozioekonomikoa) duen rolaren ondorioz. Horiek suspertze ekonomikoaren motorra dira.
Sektorearen esportazioen zifra 2.580M €-tan kokatu da, eta hori % 9ko hazkundea da aurreko urtearekin alderatuta, eta alderdi horretan eragin zuzena izan du covid osteko merkatuen irekierak eta euro-dolar parekotasunak. GAIAk aurreikusten du nazioartekotzeak hazten jarraituko duela datozen urteetan, espezializazioaren eta sektoreko konponbideen lehiakortasunaren eta “datuaren ekonomiaren” garapenaren ondorioz.
Sektoreko erronkak
GAIAko Zuzendaritza Batzordetik azpimarratu dutenez, datuak positiboak eta ilusioz beteak badira ere, “esparru batzuk garatu behar dira modu integratzaileago, eraginkorrago eta iraunkorrago batean lan egiteko“. Ildo horretan, teknologia eta balio-kate sektoriala indartzeko beharraz aritu da. Lehentasuna du teknologiaren eskaintza azkartzea eta indartzea, ETEen eraldaketa digitala errazteko. Gainera, estrategikoa da Euskadin mikroelektronika indartzea, Europarekin batera, eta abangoardiako hardwarea diseinatzeko eta jabetza intelektuala babesteko aukera emango diguten zerbitzu eta azpiegitura berriak sortzea.
Era berean, adierazi dute funtsezkoa dela “datuen ekonomian trebatzea eta esperimentatzea”, bai eta teknologia kuantikoen transferentzia eta espezializazioa garatzea ere, batez ere “industria-ingurune batean erabiltzeko aukera kontuan hartzeko”. Azkenik, merkatu globalago eta bizkorrago batean lehiatzeko lan- eta lankidetza-garapenerako dinamika berriak sortzeko premia “larria” aipatu dute.
Batzar Orokorra eta GAIAren 40. urteurrena
Bilboko Euskalduna Jauregian, bihar, ekainak 1, Klusterraren Batzar Nagusia eta 40. urteurrena ospatzeko ekitaldia egingo dira. Ekitaldia 19: 00etan hasiko da eta Arantxa Tapia Eusko Jaurlaritzako Ekonomiaren Garapen, Iraunkortasun eta Ingurumen sailburuak itxiko du.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
ACLIMA bere 30. urteurrena ospatzen du industria garbiago baterako lankidetza publiko-pribatuaren balioa azpimarratuz
Klusterra 1995ean sortu zen, Eusko Jaurlaritzaren laguntzarekin, Ihobe eta SPRI sozietate publikoen bitartez