Garabi industrialak robot bihurtu dituzte Jasok eta Tecnaliak
Garapen berriak aukera ugari ematen ditu eskuzko prozesuak eta doitasun-prozesuak automatizatzeko, hala nola haize-sorgailuen palak automatikoki leuntzea.
Robotika autogintza bezalako sektoreetan oso zabaldua dago eta beste alor batzuetara zabaltzen ari da. Jaso Industrial Cranes, 1965ean sortutako eta garabietan ardaztutako enpresa, Tecnalia zentro teknologikoarekin elkarlanean aritu da aurrera pausu nabaria emateko: hitz gutxitan, “garabi bat robotizatzea”. Elkarlan honek helburu hau lortzen duten lehengoa da.
Tecnaliak kableen inguruko teknologian duen ezagutzaren eta, bestetik, Jasok goratze-sektorean duen esperientziaren emaitza da lantalde honen lorpena. Honen ondorioz, garabia ez da bakarrik bertikalean eta horizontalean mugimenduak egitera mugatzen. Bere ekintzen askatasuna eta, batez ere, bere zehaztasuna areagotzen da. Kable-teknologiak oso elementu astunekin edo bolumen handiko elementuekin lan egiteko aukera ematen dio garabiari, gutxi gorabehera 2 milimetroko marjinarekin eta piezen orientazioaren 6 graduko kontrol osoa eskainiz. Proiektua ‘Cranebot’ izendatu dute (euskaraz, garabi-robota).
Zer erabilpenak eman ahal dira aurrerapen honekin? Erabilpenak ugariak dira, eta sektore askotara ireki ahal dira gainera. Probatu den lehen sektorea sektore-eolikoa da. Zehazki, lan espezifiko baterako: fabrikazio-fasean aerosorgailuen palak leuntzea. “Gaur egun, palak gero eta handiagoak dara baina fabrikatzaile gehienek lan hori eskuz egiten jarraitzen dute. Sistema berriaren bidez, prozesua automatizatzen da: prozesuaren kalitatea eta segurtasuna hobetzen dira, Lan-istripuak % 50ean murrizten dira, kostua % 20an murrizten da eta produktibitatea % 50ean handitzen da. Prototipoa eraginkorra dela frogatu da, eta merkaturatze fasera pasatu gara “, azaldu du Raúl Fernandez Nisok, Jaso Industrial Cranesen Salmenta eta Marketin zuzendaria.
‘Cranebot ‘berria Stuttgarteko Logimat azokan aurkeztu behar zen lehen aldiz jendaurrean, martxoan. Baina ekitaldia bertan behera geratu da eta hurrengo edizioa 2021eko martxoan izango da. Egoera honen ondorioz, Jasoren eta Tecnaliaren garapen berri hau Metal Madrid azokan aurkeztuko da urrian, eta azaroan Bilboko Makina Erremintaren Bienalean egongo da ere.
‘Cranebot’-ek ibilbide zabala izango du dena den. Ez bakarrik sektore eolikoaren barne, galdaketan (moldeak manipulatzen laguntzeko), aeronautikan, ingeniaritza zibilean, logistikan eta abarretan erabilpen zabalak dituelako. Oro har, eskuzko prozesuen automatizazioarekin eta pieza handien doitasun eta posizionamendu lanekin lotutako lan guztietan erabili daiteke: 3D inprimaketa eraikuntza-sektorean, injekzioetan, etab.
Jasok bi dibisio ditu, batek garabi industrialekin lan egiten du eta egoitza nagusia Itsasondon du. Besteak eraikuntza sektorerako garabiekin lan egiten du, eta Idiazabalen du egoitza. Guztira 600 pertsona enplegatzen ditu Jasok. Enpresa gipuzkoarrak duela 25 urte baino gehiago beste herrialdetan txertatuta dago, eta dagoeneko bere ekoizpenaren %70 esportatzen du. Industria arloan bakarrik, Mexikon, Argentinan eta Indian lantegiak ditu. Itsasondoko zentralean 220 langile ditu, eta guztira, lantegi guztien langileekin, 350 langile ditu Jasok. Bere hedapen prozesuan, 4.0 berrikuntzan eta industria-proiektuetan SPRIrekin batera aritu da, SPRIk euskal enpresak laguntzeko dituen programen bidez, hala nola Hazitek programaren bidez.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.