Geo-informazioa aukera nitxo bezala
Arabako Airestudio ingeniaritzak geo-informazioaren lehiakortasun-balioa baloratzen du, baliabideak optimizatzeko eta kostuak murrizteko tresna bezala
Airestudio Geoinformación Technologies Arabako ETE bat da, 2013an sortua eta geo-informazioaren arloko konponbide integralak garatzen dituena. Konponbide horiek eskaintzeko bere ezagutza eta esperientzia baliatzen ditu, 20 urtetik gora baitaramatza lur, itsaso eta aireko datuak biltzen, aztertzen eta tratatzen profesionaltasun osoz eta prozesuan inplikatuz. Behin datu horiek jaso ondoren, informazio baliagarri bihurtzen ditu eta kalitatezko lan pertsonalizatua bermatzen dio bezeroari, aplikazio anitzekoa, eskalagarria eta errentagarria, segurtasun handiena eskainiz eta araudia betez.
Egoitza Arabako Teknologi Parkean duelarik, Estatua da bere jarduera-esparrua eta merkatu nitxo zabala du, hasi administrazio publikotik eta sektore pribatu osoraino. “Egiten duguna da kasuan kasuko lurraldearekin zuzenki lotuta dauden datuak atzeman, gero bezeroak bistaratu, ulertu eta erabil ditzan erabakiak hartu behar dituenean. Zentzu horretan, gure jarduera-esparruak dira industria sektorea, administrazio publikoa, nekazaritza eta ingurumen arloa” dio Airestudio enpresako bazkide fundatzaile Lorenzo Díaz de Apodacak.
Bere iritziz, errepideen mantenimendu-lanak adibide aparta dira erakusteko geo-informazioak eragin zuzena izan dezakeela edozein enpresaren edo administrazioren lehiakortasunean. “Horrelako kasuetan azpiegituren biki digitalak egiten ditugu, eskura izateko informazio geometriko guztia, hau da, errepide horietako aktibo guztien dokumentazioa jasotzen duen datu-base bat, eta baita ere txostenen ustiapenerako hainbat tresna, mantenimendu eraginkorrerako behar diren baliabideak zehaztasunez kalkulatzeko” azpimarratu du Díaz de Apodacak.
Eta zer lortzen da horrela? “Sortzen dugun informazioa baliagarri da kostuak murrizteko, baliabideak optimizatzeko, giza-baliabideak beste zeregin batzuetan lanean jartzeko (txostenak automatikoki egingo direlako), eta den-dena bulegotik kudeatzeko modu eraginkor eta askoz azkarragoan, kanpora irten beharrik gabe”, bukatu du enpresariak. Duela gutxi gai honi buruzko hitzaldi bat eman zuen ArabaTIC-en, SPRI Taldeak Enpresa Digitala ekimenaren bitartez antolatzen duen Arabako Aste Digitalean.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.