Getxo Wellness Hub, ekintza berritzaileak enpresetako ongizatea hobetzeko
Ekimen horrek genero-ikuspegitik ekingo dio laneko osasunari
Sarritan, enpresetan osasuna eta ongizatea hobetzen duten ekintzek lotura estua izaten dute lana, familia eta norberaren bizitza uztartzeko aukerarekin, kontziliazoarekin alegia. Horregatik, Getxo Wellness Hubek proposatzen du genero-ikuspegitik ekitea laneko osasunari, enpreseatan eta erakundeetan gizon-emakumeen ongizatea hobetzeko ideiak sortzearren.
Emakumeekin elkarteak eta Getxoko Udalak bultzatzen dute ekimena. Bizkaiko zenbait enpresa handik, laneko osasunean adituak diren zenbait emakume ekintzailek eta hainbat erakunde publikok hartuko dute parte ekimeneko saioetan. Hiru lantegi ere antolatu dira, jardunaldiko parte-hartzaileek elkarrekin azter ditzaten enpresa bakoitzeko erronkak eta konponbideak bilatu. Enpresek osasunari eta berdintasunari gehiago erreparatzeada helburua.
Azaroan eta abenduan egingo da bigarren Getxo Wellness Hub jardunaldia, 2017an egindako lana abiapuntu duela. “Iaz, laneko ongizateaz eta laneko osasunaz egin genuen gogoeta”, adierazi du Emakumeekin elkarteko presidenteak, Susana Zaballak. Lehenbiziko jardunaldi hartan, harremanak eta komunikazioa izan ziren gai nagusiak; aurtengoan, berriz, hau aztertuko dute, Susana Zaballak azaldu digunez: “Nola sortu harreman profesional aberasgarriak enpresetan”.
Elkarrekin jardungo dira parte-hartzaileak jardunaldiko hiru lantegietan, beren enpresetako erronkei antzemateko eta prototipoak diseinatzeko, laneko osasunean eta ongizatean adituak diren zenbait emakume ekintzaileren laguntzaz. Helburua da prozesu osoa lagungarri izatea, halaber, ezagutzak partekatzeko eta sareak sortzeko erakunde, enpresa eta ekintzaileen artean.
Lehenbiziko jardunaldian, iaz, arazo hau aurkeztu zuen enpresetako batek: nola lan egin ordu-eremu oso desberdinetan bizi den jendearekin. Izan ere, edozein ordutan jasotzen dituzte deiak eta mezuak enpresa horretan —egunez zein gauez—. Noski, estresa eragiten du horrek, eta lanetik “deskonektatzeko” ezina. Konponbide gisa, dekalogo bat proposatu zen, enpresako langile guztien ordu libreak errespetarazteko eta enpresan ohitura-aldaketa bat eragiteko.
Bizkaiko sei enpresa handik hartuko dute parte aurtengo jardunaldian: Grupo Oesia, Metro Bilbao, Grupo Gnera —Enararen bidez—, Seguros Bilbao, Grupo Uvesco eta Euskotren. Laneko osasunean eta ongizatean adituak diren 12 emakume ekintzailek, EHUk eta Getxoko Udalak ere hartuko parte.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.