“Gure erronka da enpresen ekosistema bat sortzea MTA ereduari jarraiki”
Jose Mari Luzarraga, MTA proiektuaren fundatzailea eta MTA World komunitateko liderra
Mondragon Team Academy proiektuak 10 urte bete berri ditu. Ekimena Mondragon Unibertsitatearen barruan sortu zen, “sortuz ikasi” metodologian eta taldeko ekintzailetzan oinarritutako hezkuntza-eredu berri bat bultzatzeko asmoz. Premisa horri jarraiki sortu zen LEINN – Lidergo, Ekintzailetza eta Berrikuntza gradu ofiziala, horrelako ezaugarriak dituen lehenengoa Europa osoan. Hamar urte geroago MTA nazioarteko komunitate bihurtu da, 13 berrikuntza laborategi, 1.500 ekintzaile eta ia 100 enpresa baitauzka hiru kontinentetan.
Zer da Mondragon Team Academy?
MTA errealitate hirukoitz bat da. Batetik, taldean lan egiten duten ekintzailez osatutako nazioarteko komunitate bat da, zeinak bere potentzial guztia ustiatzen baitu bere inguruan errotiko inpaktu positiboa eragiteko. Honelaxe esaten dugu ingelesez: we are passionate team entrepreneurs blooming ourselves to make a radical positive impact locally. Sare hori mundu osoko 1.500 lagun inguruz osaturik dago, zeintzuek taldean lan egiten baitute balore espezifikoak dituzten enpresak sortzeko. Bigarren dimentsioa hezkuntzari dagokio, berrikuntza sozialeko laborategien sare globala ere bagarelako. Laborategi horiek unibertsitate barruan kokatutako ekintzailetzako espazioak dira, hots, hezkuntza-zentro disruptiboen sare bat, gaur egun hiru kontinentetako 13 hiritara iristen dena.
Eta zein da hirugarren dimentsioa?
Enpresari dagokiona, eta berau da hasiberriena. Dagoeneko 98 enpresa sortu dira MTA ereduari jarraiki, eta horrek esan nahi du hazi bat garela eta gugandik sor litekeela enpresak egiteko modu berri bat.
Duela 10 urte hasi zineten LEINN proiektuarekin, eta hamar urte geroago, zuen hezkuntza-eredua nazioarteko sare bihurtu da, zeinak presentzia baitu Txinan, Indian eta, besteak beste, Mexikon. Espero zenuten horrelako inpaktua izatea?
Beti izan ditugu bi helburu. Bata, gauza txikiak egitea maitasun handiz, eta bestea, amets handiak izatea. LEINN laborategiarekin hasi eta urte eta erdira Europako lehen titulu ofiziala sortu genuen, eta 27 lagunekin hasi genuen ikasturtea. Mundua eraldatzea izan da beti gure ametsa, baina txikitik hasita. LEINN sortzean erreferente bihurtu ginen, eta beste leku batzuetako lantaldeak hurbildu zitzaizkigun gure eredua beren ingurura eramateko. Horrek erakutsi zigun gurea ez zela bakarrik premia lokal bat, baizik eta munduko edozein tokitako premia bat. Beraz, gure gakoak izan dira helburu zabalak finkatzea, apaltasunez jokatzea txikitik hasita ekiteko, eta gai izatea ustekabeak onartu eta sortzen diren aukerak aprobetxatzeko.
10 urteren ondoren, garaia al da zuen burua berrasmatzeko?
Hazia erein dugu, eta horrekin gelditu ezinezko prozesu bat abiatu da. MTAn orain aldaxka edo hazteko bide mordoa dauzkagu zabalik, eta horiei laguntzen jakin behar dugu. Batetik, eredua gero eta jende gehiagori eraman nahi diogu laborategien bitartez, eta ez ikuspegi protekzionista bat erabiliz, baizik eta lankidetzaren bidez. Era berean, eredu hori gizartearen beste eremu batzuetara eraman nahi dugu, pertsona bakoitza aldaketaren eragile izan dadin, taldean lan eginaz. Dimentsio horixe da gure benetako helburua, gizartea taldeen taldez osatuta baitago.
Norantz bideratu nahi duzue MTA enpresa-sarea, orain sortzen ari dena?
1.500 ekintzaileko haztegia daukagu, nola aktibatu dezakegu dimentsio hori? Horretan ari gara. Mondragonen historian ere antzeko zerbait gertatu zen hasieran. Lehenik prestakuntza eman zitzaien gazteei, gero harrobi profesionala sortu zen, eta handik denbora batera, lehen enpresak sortu ziren. Orain antzeko aukera bat daukagu, ez baita aski belarra ereitea, ekosistema oso bat sortu behar dugu. Leinnerak dauzkagu; haien hasierako ametsa zen, adibidez, Google-n lan egitea, GKE bat sortzea edo enpresa bat fundatzea. Guretzat denak dira onak, gure helburua da ametsak egia bihurtzea, eta ametsak ez dira berdinak mundu guztiarentzat. Gure erronka da potentzial hori aktibatzea, eta horrek ezinbestez garamatza datozen urteetan nagusituko den errealitate ekintzaile oso desberdin bat deskubritzera.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.