Gurelan enpresa % 35 hazi da eta makineriako inbertsioa handitu du
Mendaroko Gurelan enpresak makinerian inbertitzea erabaki du, eta bere negozioa % 35 hazi da aurten. Etorkizunari begira, badu helburu argi bat: eraginkortasuna, kalitatea eta lehiakortasuna hobetzen jarraitzea zamak eta magnesiozko piezen injekziorako bere konponbideetan, berrikuntzaren eta 4.0 industriako inbertsioen aldeko apustua eginaz.
Azken hilabeteetan, mundu mailako jarduera ekonomikoa oso azkar berraktibatu da, kontsumoak ere goranzko bideari ekin dio eta gorabehera ugari daude hornikuntza-kate globaletan. Faktore horien ondorioz, hornidura ezaren arazoa gero eta larriagoa da, eta oinarrizko materialen prezioek gora egin dute oro har. Industriari dagokionez, eszenatoki horrek eragin zuzena du, batik bat, erdieroaleen, produktu kimikoen eta gasaren sektoreetan eta, jakina, baita ere metal industrialenean; azken horien artean daude Gurelan enpresak presio handian injektatutako piezak ekoizteko erabiltzen dituen zamaka eta magnesioa. Ez dirudi epe laburrean merkatua egoera berrira egokituko denik ez eta eskaintza eskaera ase ahal izateko adina haziko denik, hortaz, hilabete zailak etorriko dira oraindik, bai behintzat 2022ko lehen hiruhilekora arte.
Gurelan-ek egoera globalaren erasoei aurre egin die makineria berrian eta produkzioko teknologietan egin dituen inbertsioei esker, eta lortu du produkzio-prozesuko fase guztien eraginkortasuna eta produktibitatea hobetzea, % 35eko hazkundea erdietsiz 2021ean.
Besteak beste, aipatzekoa da parte hartu duela SPRI Taldeak eta Eusko Jaurlaritzak babestutako bi programa hauetan: Renove Industria 4.0 (laguntza hauen helburua da makineria edo ekipamendu aurreratua erostea, horien bidez 4.0 Industriako proiektuak inplementatzeko) eta Gauzatu Industria 2021 (laguntza hauen helburua da oinarri teknologikoko ETEak edo ETE berritzaileak bultzatzea lehiakortasun, enplegu eta kalitate estrategia bezala, hazkundearen bidera itzultzeko).
Makinerian inbertitzea: apustu segurua
Zamak eta magnesiozko piezak ekoizteko gaur egun erabiltzen den presiozko injekziorako makineriak ez du zerikusirik duela hamarkada batzuetakoarekin; garai hartan, langileek benetako artistak izan behar zuten makina bakoitza eta bere xehetasunak zehatz-mehatz ezagutzeko.
Gero eta exijenteagoa den ingurune industrial batean bere bezeroei eraginkortasun eta kalitate berme handienak eskaini ahal izateko, Gurelan-ek 4.0 Industrian inbertitzen jarraitzen du, malgutasuna, erreakzionatzeko gaitasuna eta eraginkortasuna ematen dioten makina, tresna eta aplikazio berrien bitartez. Horietako bat da, hain zuzen, apirilean iritsitako presiozko injekzio-makina berria. Hala, enpresak balio-kateko hainbat puntutako berrikuntza kapitalizatu dezake arazo zehatzentzat konponbide espezifikoak bilatuz eta ekoizpen-prozesu osoa optimizatuz.
1934an sortutako familia-enpresa honek bere produkzioaren % 60 esportatzen du, nagusiki Frantzia, Alemania eta Danimarkara. Nazioartekotze-prozesuari esker Europako merkatuan duen posizioa sendotu du, eta 2022rako helburutzat du Amerikako merkatura hurbiltzea, aukera ona izan baitaiteke zabaltzen jarraitzeko.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean