Heepsy, munduko edozein tokitako influencer-ak aurkitzeko bilatzailea
Euskal startupa MassChallenge lehiaketaren mundu mailako finalera iritsi da
Markek gero eta gehiago erabiltzen dute Influencer marketing izeneko estrategia, beren produktu eta zerbitzuei ikusgarritasuna emateko, sare sozialetan jarraitzaile asko dituzten pertsonen bidez. Heepsy tresna beraizik diseinatu da bilaketa-lan hori errazago izan dadin enpresentzat, plataforma bat eskaintzen baitu enpresa bakoitzaren beharrei ongien egokitzen zaizkien influencer-engana iristeko.
Funtsean bilatzaile bat da, Instagram sare sozialean 5.000tik gora jarraitzaile eta profil publiko bat duten erabiltzaile guztiak biltzen dituena. Tresna horrek aukera ematen du iragazpenak egiteko aldagai desberdinen arabera: kokalekua, kategoria –moda, edertasuna, gastronomia, kirola…-, follower kopurua, post bakoitzaren kostua, eta abar. Iragazpen horri esker, enpresak bere produktuari edo zerbitzuari ongien datorkion influencer profila aurki dezake.
“Iragazki bidezko bilaketaz gain, datuen analisi kualitatiboagoa ere egin daiteke eta beste metrika batzuk ikusi, adibidez, jarraitzaile-hazkundearen grafikoa, aldaketa bortitzik gertatu den berriki edo elkarreragin-mailak”, azaldu du Sandra Cobok, Heepsy enpresako Marketin zuzendariak; “orobat jasotzen dugu zein markarekin lan egin duen, eta hori oso interesgarria izan daiteke marketinaren ikuspuntutik”. Hala, enpresak zerrenda bat lor dezake bere kanpainetarako lankide izan daitezkeen influencer-ekin, eta haiekin zuzenean harremanetan jartzeko datuak ere lortu ditzake.
Euskal ekintzailez osatutako lantalde batek iazko ekainean merkaturatu zuen Heepsy Estatu osoan, eta urrian egin zuten nazioarteko merkaturako jauzia. Une honetan, plataformak 3 milioi influencer inguru eta 40 kategoria desberdin biltzen dituen datu-base bat du, eta markak eta marketin agentziak dira bere bezero garrantzitsuenak. Merkatuko beharrei erantzunez, lantaldeak bilatzailea zabaldu nahi du 1.000 eta 5.000 jarraitzaile bitarteko profilak ere bilatu ditzan, gero eta handiagoa baita nitxo horretara iristeko interesa.
“Influencer marketing oso tresna indartsua da, ikusgarritasunaz gain sinesgarritasuna ere ematen duelako” azaldu du Sandra Cobok, “ez da gauza bera iragarki bat ikustea edo jarraitzen duzun pertsona baten gomendioa jasotzea, batez ere influencer hori maila ertainekoa edo mikro mailakoa bada; kasu horietan gomendioak oso modu pertsonalean jasotzen ditugu, ia lagun batek eginak balira bezala”.
Heepsy startupa izan da MassChallenge Biscay programaren 3. edizioan MassChallenge azeleragailuaren mundu mailako finalerako aukeratutako 4 enpresetako bat. Ekimen hori 2016an jarri zen martxan Bizkaiko Foru Aldundiak eta Ipar Amerikako azeleragailuak lortutako akordio bati esker, helburutzat hartuz potentzial berritzaile handiena duten euskal enpresa teknologikoen nazioartekotzea bultzatzea.
Lotutako albisteak
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.