Heepsyk influencer-en bilaketa optimizatzen du big data eta adimen artifizialaren bidez
Influencer-en marketina merkatu handi bat da AEBetan, eta pixkanaka Europan hazten ari da. Duela bost urtetatik, euskal konpainia bat lanean ari da markei hobekien egokituko zaien sare sozialetako profilen bilaketan erreferentzia teknologiko bat izateko. Heepsyk, egoitza Berangon duen enpresak, 2015etik plataforma bat eskaintzen du Instagram eta Youtubeko influencer-ak bilatzeko eta aztertzeko. Horren bidez, markei aukera ematen die hautaketa zehatzagoa eta finagoa egiteko, lortu nahi dituzten emaitzen arabera. Horretarako, big data eta adimen artifiziala bezalako teknologiak erabiltzen dituzte, emaitza zehatzagoak lortze aldera.
Konpainiatik azaldu dutenez, “oso erraza da pertsonek sare sozialetan errealitatea ezkutatzea edo estaltzea. Gure bizitzako unerik onenak bakarrik erakuts ditzakegu, eta txarra edo aspergarria ezkutatu. Era berean, influencer-ek euren kontuetako datuak faltsifika ditzakete hainbat teknika erabiliz, hala nola jarraitzaileak erosita“. Egoera horren aurrean, big data eta adimen artifizialak irregulartasun horiek agerian jartzeko aukera ematen dute, datu errealak ematen baitituzte, profil bakoitzaren errealitatea zein den adierazteko. Eskaneatze horrek erabakiak hartzen laguntzen du enpresa batek bere produktuak edo zerbitzuak sustatzeko influencer bat kontratatu nahi duenean.
Profiletan anomaliak hautemateaz gain, big datak profiletan sortzen diren datuak ematen ditu. Datu horiek ezin dira organikoki eskuratu, eta joerei eta ohiturei buruzko informazioa plazaratzen dute. Horri, adimen artifiziala gehituta “bezeroei bilaketa pertsonalizatua, segmentatua eta xehetasun handiko txostenak eskaintzeko aukera ematen digu“, adierazi dute Heepsytik. Izan ere, teknologia horrek hashtagak monitorizatu, kokalekuak zehaztu edo erabiltzaile bati iradokitako postak edo bideoak bilatzeko gaitasuna du.
Marketinaren eta sare sozialen sektorean ohikoa da teknologia hauek erabiltzea; sare sozialetan sortzen den informazioaren dimentsioa hain handia denez, ezinezkoa bailitzateke pertsona batek informazio hori osorik modu eraginkor batean prozesatzea. Hori dela eta, konpainiaren arabera, “big data eta adimen artifizialak eragin handia izango dute ekonomian eta pertsonen bizitzan. Gizarte gisa, abangoardia teknologikoaren parte izan behar dugu arlo horietan, datozen aldaketei ahalik eta ondoen aurre egiteko.”
18 profesionalek kudeatzen dute plataforma, eta, nabarmendu dutenez, bezeroentzako azterketa zehatz eta ulerterraza ematen duen marketin erraminta eskaintzeaz gain, agentzia-zerbitzua ere eskaintzen dute. Bertan influencer-ekin kanpainak definitzen eta gauzatzen dituzten. “Gure taldeak hasieratik amaierara planifikatzen, abiarazten eta ebaluatzen ditu kanpainak, teknologia propioa erabiliz”, gaineratu du Bizkaiko konpainiak.
Europako merkatuak gora egin du
Plataformaren zerbitzuak eskatzen dituzten bezeroak publizitate-agentziak, startup-ak edo influencer-en marketinaren aldeko apustua egiten duten markak dira. Enpresaren arabera, “Estatu Batuak dira marketin industriarik handiena duen herrialdea, baina horrek ez du esan nahi Espainian edo Europan gure zerbitzuak behar ez direnik. Europan influencer-en merkatua hazi ahala, Europako hainbat herrialdetako bezero gehiago espero ditugu, eta hori lortze aldera lan egiten dugu.“
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.