Herdit, mundu osoko abiadura handiko trenetan presentzia
Mundu osoko abiadura handiko tren batean bidaiatzen den bakoitzean, Arabako Herdit enpresa bidaia horren parte da, hainbat pieza egin baititu. Euskal enpresa erreferentea da mundu osoan galdaragintza ertain eta finean, eta espezialista TIG MIG MAG soldaduran, laser bidezko ebaketan, puntzonaketan, toleste-lanetan eta akaberetan. “Txapa edo hodi batetik, ebaki, tolestu eta soldaduraren bidez, armairu elektriko, aire girotuko sabai edo tren bateko kabina bihurtzeko gai gara”, aitortu du Marta Barredo Unamunzaga Herditeko CEOak.
Arangizen, Gasteizko kanpoaldean, kokatutako konpainiak trenbide-sektorean du bere ekoizpenaren fokua, eta erreferentzia bihurtu da bere TIG MIG MAG soldadurarekin. Horrez gain, bere jarduera oso presente dago sektore eolikoan ere, baita fotovoltaikoan eta automobilgintzan. “Energia berriztagarriak eta mugikortasun iraunkorra gero eta protagonismo handiagoa hartzen ari dira gure dibertsifikazio planaren barruan”, adierazi du Marta Barredok.
Fabrikazioan 5.000 erreferentzia baino gehiago izanik, enpresa moldakorra eta dinamikoa da bezeroen eskaera eta beharrak modu eraginkorrean asetzeko. Herditen CEOak zehazten duenez, “gure bezeroak multinazionalak eta sektore anitzekoak dira eta erreferenteak dira haien sektoreetan”. Enpresa arabarra bezeroen eskakizunetara egokitzen da eta eskari handia duten produktuentzako piezak egiten ditu, hala nola autobus elektrikoak edo elektroliniak.
“Munduko abiadura handiko tren guztientzako osagaiak egin ditugu eta Europako metro edo tranbia bakoitzak gure piezaren bat darama”, nabarmendu du Marta Barredok. Gainera, merkatu berriak eta aukera berriak bilatzen jarraitzen dute. “Gure instalazio berriei esker, 6.000 m²koa, pieza handiagoak behar dituzten merkatuetan sartu nahi dugu”, aurreratu du CEOk.
Etengabeko berrikuntzan oinarritzen du Herditek bere jarduera. “Merkatuak aldakorrak dira, teknologia berriek azkar egiten dute aurrera eta, horregatik, enpresa laguntzaileok berrikuntza puntu hori eman behar dugu bidelagun izateko”, azpimarratu du.
Ia mende erdiko jarduera
1973an sortu zen soldadura-tailer gisa, hamar langile inguru zituela, eta urteak pasata, bere produkzio-prozesuan ebaketa eta tolestea sartu ziren. Gaur egun, ehun langiletik gorako lan-taldea du, eta laugarren handitze-prozesuan dago; 20.000 m² baino gehiagoko instalazioak izango ditu, eta 2021. urtearen amaieratik aurrera egongo da martxan. “Handitze berriarekin plantilla % 20-30 handitzea espero dugu”, aurreratu du.
50 urte hauetan, Herditek SPRI Taldearen hainbat proiektutan parte hartu du: Gauzatu, Enpresa digitala edo Innobideak kudeabide. “Programa horiei esker, enpresek proiektuak gara ditzakegu eta gure lehiakortasuna hobetu. Zalantzarik gabe, laguntza eta motibazio handia da Euskadin inbertitzen jarraitzeko”, eskertu du euskal enpresak.
SPRI Taldeak euskal enpresentzako finantzaketa-tresnak ditu, haien susperraldia errazteko, balio erantsian zein merkatuetan egiten duten aurrerapen lehiakorra bultzatzeko, eta enpresa-proiektu berriei ekiteko. Bateratu, Gauzatu, Renove Industria 4.0 edo Renove Makineria bezalako finantzaketa programei buruzko informazio gehiago lor dezakezu hemen.
Lotutako albisteak
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.
40 urte baino gehiago enpresa grafikoei babes digitala eskainiz
Bizkaiko Consultores Asociados enpresak ERP Gestión 21 softwarea eskaintzen du, nazioartean eta Euskadin oso zabalduta dago.
Euskadiko bost erakundek tuneletako eta industria-inguruneetako langileentzako segurtasun-plataforma digital bat garatu dute
Soluzio teknologiko berritzaile bat da, tuneletan eta industria-inguruneetan izaten diren gorabeherak garaiz identifikatzeko pentsatua, eta TECNALIAk garatu du Externalia Solutions, Hierros Abra, Lurpelan eta Abra Seguridad enpresekin batera.