“Ideable Gosariak”, eraldaketa digitalerako gonbidapena
Topaketak ekainaren 19an hasiko dira Adigest-en hitzaldi batekin
Ideable-k Ideable Gosariak ekimena abiarazi du, enpresen digitalizazioaren inguruko konponbideak, aukerak eta ezagutzak partekatzeko. Topaketa informalak dira, non enpresa edo antolakunde gonbidatuek eraldaketa digitalaren alderdi zehatzei buruz hitz egiten duten. Asmoa da hitzaldiak baliagarri izan daitezela sareak eta lankidetzarako aukerak sortzeko.
“Ideable Gosariak” ekimena ekainaren 19an abiatuko da Grupo Adigest enpresako Carmelo Lanzen eskutik, zeinak zuzenean aurkeztuko baititu proiektu berritzaileak eraldaketa digitalaren esparruan sustatzeko laguntza eta diru-laguntzak. Hurrengo hitzordua uztailaren 3an izango da; kasu honetan, Jakincode enpresako zuzendari nagusi Mikel Díaz de Arcaya arituko da hizlari eta zibersegurtasuna eta enpresen arazo berriak hartuko ditu hizpide.
Uztailaren 17an, Agustín Zubillagak, Orkestrako Eraldaketa Digitaleko ikerlariak ekitaldira ekarriko ditu Lehiakortasunaren Euskal Institutuak eginiko hainbat azterlanen ondorioak. Uda igarotakoan, Gosariek beste hitzordu bat izango dute irailaren 28an Linked in Branding enpresako Ainhoa Beltránekin. Marketin digitaleko aditu horrek hizpide hartuko du nola erabil daitezkeen sare sozial profesionalak salmentak hobetzeko eta negozioa garatzeko.
“Eraldaketa digitalak aukera handiak dakartza eraginkortasuna eta produktibitatea hobetzeko, eta gure industria-sareak guztiak aprobetxatu behar ditu” azaldu du ekimenaren aurkezpenean Iñaki Bartolomék, Ideable Solutions enpresako zuzendari nagusiak; “Ideable Gosariak sortu ditugu argi azaldu nahi dugulako zein abantaila dakartzan lehenbailehen hasteak konponbide digitalak erabiltzen”.
Gosariak formatu laburrekoak izango dira, ordu erdi ingurukoak, eta Ideable enpresak Barakaldon dituen bulegoetan egingo dira. Lantaldeak topaketa bat antolatu nahi du bi asterik behin. Parte hartzeko nahikoa da web orrian izena ematea.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna