Ideable-k pertsona nagusientzako tokiko zerbitzuen marketplace bat aurkeztu du AAL Forum kongresuan
Enpresa bizkaitarrak beste nobedade bat ere aurkeztu du: aplikazio irisgarrientzako ziurtagiri-sistema bat
IOANNA proiektu europarraren helburua da pertsona nagusiek errazago aurki ditzatela behar dituzten zerbitzu eta produktuak beren inguruan. Asmoa da IOANNA plataforma bat izan dadila tokiko enpresa eta profesionalek beren burua iragar dezaten, baldin eta aurretik kalitate-iragazki bat gainditzen badute. Hala, pertsona nagusiek, beren senitartekoek eta zaintzaileek mota horretako zerbitzuak eskuratu ahal izango dituzte jakinik konfiantzazkoak direla.
Proiektu hori Ideable euskal enpresak koordinatu du, eta zazpi herrialdetako (Txipre, Grezia, Errumania eta Britainia Handia) antolakundeek parte hartu dute horretarako osatutako partzuergoan. Garapen-lanak 2018an hasi dira Europako AAL programak finantzaturik, eta lantaldeak espero du 2020an aterako duela merkatura. “Bi helburu dauzkagu: batetik, pertsona nagusien bizi-kalitatea hobetzea eta isolamenduari aurre egitea, eta bestetik, Amazonekin lehiatu ezin diren hiriko merkatari eta profesionalei laguntzea beste merkatu-nitxo batera iristen”, dio Iñaki Bartolomék, Ideable enpresako zuzendari nagusiak “bezero horiek ez dira marketplace handietara joango zerbitzu bila, nahiago dute inguruko merkatariek ematen dieten konfiantza”.
Espazioa beraizik pentsaturik dago, esaterako, etxerako zerbitzuak eskaintzen dituzten ile-apaindegi eta estetika-zentroentzat, erosketak etxeraino igotzea eskaintzen duten saltokientzat edo pertsona nagusientzako jarduera espezifikoak antolatzen dituzten lokalentzat. Proiektua amaitutakoan, partzuergoak udalei eskainiko die plataforma hori, tresna gisa erabil dezaten tokiko merkataritza sustatzeko eta pertsona nagusientzako hiri lagunkoiagoak bultzatzeko.
Kalitatezko zigilua pertsona nagusiei zuzendutako aplikazioentzat
Ideable enpresak Zocaalo proiektua ere aurkeztu du irailaren 24tik 26ra Bilbon egin den AAL Forum kongresuan. Bigarren plataforma hau beraizik zuzentzen zaie pertsona nagusientzako aplikazioak sortu nahi dituzten garatzaileei. Espazio honek tresnak eta laguntza eskainiko dizkie, eta ziurtagiri bat emango die irisgarritasun-baldintzak betetzen dituzten aplikazioei.
“Plataforman estilo-gidaliburuak eta giltzarriak eskaintzen ditugu aplikazio irisgarriagoak diseinatzeko. Aholkularitzek ere kolaboratzen dute Europako araudiei buruzko laguntza emanaz, eta pertsona nagusien antolakundeek ere bai aplikazioa probatuz” dio Iñaki Bartolomék. Helburua da espazio hori pertsona nagusientzat pentsatutako aplikazio-denda bat izan dadila, eta lantaldeak espero du merkatuan egongo dela 2019aren hasieran.
Zocaalo eta IOANNA ekimenak AAL Programme programa europarraren bitartez finantzaturik daude, zeinaren helburua baita pertsona nagusien bizitza hobetu dezaketen IKT konponbideak garatzea. Europako Batzordeak eta tokiko agentzia sare batek finantzatzen dute ekimena, kasu honetan Bizkaiko Foru Aldundiak.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.