IIMH eta Innovae enpresek lankidetza-hitzarmena sinatu dute, teknologia digital berriak fabrikazio aurreratuan txertatzeko
IMHk, Fabrikazio Aurreratuaren eta Digitalaren Campusak eta Innovae enpresak, errealitate areagotuan eta errealitate birtualean oinarritutako irtenbideetan erreferentzia den enpresak, lankidetza-hitzarmena sinatu dute, industria-ehunean teknologia digitalen ikaskuntza eta ezarpen-prozesuak bizkortuko dituzten hainbat ekimen abiarazteko, bereziki fabrikazio aurreratuaren esparruan.
Fabrikazio aurreratuaren teknologia berri horiek enpresetara eta ikasleengana hurbiltzeko helburuarekin, ezagutza teknikoa digitalizatzeko hainbat tresna erabili ahal izango ditu ikastetxeak, errealitate areagotuan oinarrituta, hala nola SAAM eta ATR. Konponbide horiei esker, prozesu gidatuak ikus daitezke urratsez urrats, eta urruneko euskarri teknikoa eman; aldi berean, aukera ematen dute teknikarien trebakuntza hobetzeko, produkzio-geldialdiak minimizatzeko, produkzio-prozesuen eraginkortasuna hobetzeko eta gorabeherak konpontzeko denbora murrizteko.
Hitzarmenak jasotzen dituen konpromisoen artean, Innovaek IMHren unibertsitate mailako nahiz lanbide heziketako prestakuntza-prozesuetan txertatudo du euren ekipamendua eta teknologia. Gainera, teknologia horrekin lotutako enplegurako prestakuntza-ikastaro bat sortuko du. Bestalde, Innovaek SAAM eta ATR produktuen lizentziak emango ditu prestakuntza-helburu horietarako, eta prestakuntza-saioak emango dizkie IMHko irakasleei. Horrez gain, jardunaldi teknologikoak edo erakustaldiak antolatuko dira ikastetxeko instalazioetan, ikasleei eta enpresei zuzenduta. Era berean, bi erakundeek aktiboki lagunduko dute I+G+b proiektuak garatzen, bai eta irtenbide horiek makina-erremintaren sektoreko enpresetan ezartzeko proiektu errealak garatzen ere.
Hitzarmena sinatzeko saioan, Ixaka Egurbide IMHko zuzendari kudeatzaileak esan du akordioa “urrats bat gehiago dela IMHren estrategian gure gaitasun teknologikoak eta gure prestakuntza-prozesuak digitalizatzeko, enpresei erantzun berritzaileak ematen jarraitzeko eta, bereziki, gure ikasleen trebakuntza hobetzeko”. Bestalde, Pablo Ayalak, Innovae enpresako CEOk, honako hau adierazi du: “Akordio honen bidez, etorkizuneko profesionalen gaitasun digitala eta gazteen enplegagarritasuna hobetzen nabarmen lagundu ahal izatea espero dugu. Euskal enpresa-sarean sentsibilitate handia dago jada prozesuak digitalizatzeko beharrari buruz, eta eraldaketa hori jasango duten teknologia berrietan prestatutako profilak izateko premia argia dago”.
IMHri buruz
IMH erreferentziazko prestakuntza-zentroa da Fabrikazio Aurreratuaren eta Digitalaren esparruan, enpresek eta pertsonek behar dituzten gaitasunen ikaskuntza bizkortzeko. 2.200 ikasle baino gehiagorengana iristen da prestakuntza-eskaintza.
Innovae-ri buruz
Azken belaunaldiko teknologietan oinarritutako soluzioak eta produktuak garatzen dituen enpresa teknologikoa, hala nola errealitate areagotua edo errealitate birtuala. Innovaek arrakastaz aplikatu ditu azken 10 urteetan mota horretako irtenbideak industria-sektorean, prozesu teknikoetan prestakuntza eta exekuzio mota guztiak optimizatzeko, hala nola makineriaren mantentze-lanak, instalazioak martxan jartzea, ekoizpena, kalitate-kontrola edo euskarri teknikoa.
Lotutako albisteak
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Euskocam System S.L.-k elektrohigadurarako grafitozko soluzioak eskaintzen ditu
Elorrioko enpresak elektrohigadurarako grafito-elektrodoen diseinuan eta fabrikazioan zerbitzu integrala eskaintzen du, berrikuntzaren eta iraunkortasunaren aldeko apustu argiarekin.
Hazinnovaren eskutik Estatu Batuetan haztea du helburu Rob-Jor enpresak
Manikurako eta pedikurako produktuak fabrikatzen dituen enpresa arabarra industria mota horretako fabrikatzaile europar bakarrenetakoa da, eta berrikuntzaren eta pertsonalizazioaren alde egiten du Asiako lehiakortasunaren aurka borrokatzeko.
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da