Ikerlan Intelekin elkarlanean ari da, industrian haririk gabeko komunikazioen etorkizuna hobetzeko
Ikerlan zentro teknologikoa eta Intel Labs, Kalifornian (AEB) egoitza duen Intel enpresa multinazionalaren taldea, erdieroaleen diseinuan eta fabrikazioan lan egiten duena, lankidetza-hitzarmen bat sinatu dute etorkizuneko haririk gabeko komunikazio-teknologia industrialak elkarrekin ikertzeko. Elkarrekin lan egingo dute haririk gabeko komunikazio-teknika aurreratuak garatzeko, denbora errealeko aplikazio industrialetara eta denbora aldetik sentikorrak diren beste aplikazio batzuetara bideratutako etorkizuneko wifi konektagarritasunaren belaunaldietan latentzia ultrabaxua eta sendotasun handia ahalbidetzeko.
Eta, ikerketan parte hartuko duen IKERLANeko Komunikazio Sistemen arloko ikertzaile Iñaki Valen arabera, “Fidagarritasun handiko latentzia ultra baxuko komunikazioen beharra dago; hori oso alderdi garrantzitsua da denbora errealeko gaitasunak behar dituzten prozesu industrialetan. Ikerketaren helburua da wifiaren azken gaitasunak aprobetxatzea eta hobekuntza berriak frogatzea errendimendu-parametro zorrotz horiek lortzeko. ”
Ikerketa horrek hainbat industria-sektoreri lagunduko die, besteak beste, energiari, garraioari (adibidez, trenbideari) eta fabrikei. Izan ere, egungo industria-komunikazioko sareak haririk gabeko elementuen bidez zabaltzeko aukera emango luke, azken aplikazioaren funtzionaltasunei eta eskakizunei eutsiz.
Industria-komunikazioen alorrean IKERLANek duen ezagutza sendoak, zehazki Wireless SHARPen garapenean —denbora errealean eskakizunak aplikatzeko komunikazio-arkitektura berri bat—, piztu du multinazionalak Arrasaten egoitza duen zentro teknologikoarekin indarrak batzeko interesa. “IKERLANek sei urte daramatza teknologia hori garatzen ikerketa-proiektu, doktore-tesi eta ospe handiko aldizkarietan lehen mailako argitalpenen bidez, eta, gaur egun, soluzio hori nazioarteko merkatura transferitzen ari da”, dio Iñaki Valek.
Bere instalazioetan, IKERLANek abangoardiako laborategiak ditu elektronika-, informazio- eta komunikazio-teknologietan, eta, horiei esker, arrakastaz ekin dakieke horrelako ikerketei eta lankidetzei multinazionala bezalako bezero garrantzitsuekin.
Intel Labsekin egindako akordio berri honek berretsi egiten du IKERLANek teknologia industriara transferitzeko erreferentziazko enpresa izaten jarraitzeko konpromisoa, batez ere industriarentzako garapen-aukeren mundua irekitzen duen eremu batean, digitalizazioan, alegia.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.