IMHk 4.0 Industriak eskatzen dituen profil profesional berriak aztertuko ditu jardunaldi batean
Eraldaketa digital beten aurrean gaude, eta industria-sektoreak profil profesional berriak behar ditu, 4.0 Industriaranzko bilakaerak dakartzan erronkei aurre egiteko. Eskaera horren aurrean, ‘Datuen iraultza 4.0 Industrian: profil eta gaitasun profesional berriak’ jardunaldia antolatuko du datorren uztailaren 1ean IMH Fabrikazio Aurreratuaren eta Digitalaren Campusak.
Online saio hau gaitasun tekniko berri horiek eskatzen dituzten hainbat industriatako profesionalei zuzenduta dago. Programa horretan enpresa eta zentro teknologikoetako arduradunek parte hartuko dute, IMHko irakasle eta ikasleez gain, eta industria-sektoreak gaur egun aurrez aurre dituen hainbat gai jorratuko ditu.
Hasteko, Mikel Niño, Tecnaliako fabrikazio aurreratuko eta 4.0 Industriako estrategia-arduradunak, ‘pertsonen rola 4.0 Industrian eta bergaikuntzaren garrantzia’-ri buruz hitz egingo du.
Ondoren, Zigor Lizuain, Digital Transformation Solutions Architect Emerson Automation Solutions-en, belaunaldi aldaketaz arituko da ‘Industria 4.0. Bi belaunaldiren arteko hizketaldia’ hitzaldian.
IMHtik, Naiara Vidal graduondoko zuzendariak campuseko eskaintza akademiko baten berri emango du: 4.0 Industriarako Datuen Analisi Prediktiboko Proiektuen Graduondokoa.
Jardunaldiari amaiera emateko, ‘4.0 Industriarako Datuen Analitika Prediktiboaren Proiektuko espezializazioak zer ekarpen egin dit?’ mahai-ingurua egingo da, eta bertan parte hartuko dute Eva Anglada Tecnaliako Garraio-Industriako Saileko ikertzaileak, Aritz Agirrezabal GKN Driveline-ko Ingeniari Elektrikoak, Beñat Gallastegi IMHko Fabrika Digitalaren Arloko arduradunak, eta graduondoko ikasleek.
Izen emateak hemen daude eskuragarri.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.