INDEUSeko lantaldeek Hizkuntza teknologien ekintza plana, Lanhitz deialdia eta Euskaraldia izan dituzte ardatz nagusi
INDEUS, Industriaren Euskal Plataformak bere kide diren enpresa, elkarte eta erakundeak bildu ditu gaur goizean. Bileraren hasieran Hizkuntza Politikarako Sailburuordetzaren eskutik, GAITU-Hizkuntza teknologien ekintza planaren berri izan dute. Ekintza plan honen bidez, Administrazioaren kudeaketa publiko elebidunaren jardueraren testuinguruan sortutako baliabideak biltzea, estandarizatzea, zabaltzea eta berrerabiltzea sustatzea da Eusko Jaurlaritzaren asmoa.
Honekin batera, Lanhitz programaren aurtengo deialdiari buruzko informazioa ere izan dute INDEUSeko kideek. Erakundeetan euskara sustatzea helburu duen programan 2022rako egindako berrikuntzak izan dituzte hizpide.
Bestalde, Euskaltzaleen Topaguneak aurtengo EUSKARALDIAren nondik norakoak kontatu ditu batzarrean eta INDEUSeko kideak parte hartzera gonbidatu ditu.
Batzarra amaitzeko, Plataformaren berezko gaiak aztertu dira, hala nola enpresa berriak erakartzea, Indeus Elkarrizketak, derrigorrezko ikuskaritzak edota udazkenerako ekimen proposamenak.
INDEUS Industriaren Euskal Plataforma da, Spri-Enpresen Garapenerako Agentziak, Energiaren Euskal Erakundeak, Hizkuntza Politikako Sailburuordetzak eta Arabako, Bizkaiko eta Gipuzkoako Foru Aldundiek bultzatzen dutena. Euskaraz lan egitea erabaki duten enpresa industrialei laguntzeko sortu zen ekimena, euskarazko produktu eta zerbitzuak lortzeko bideak landuz. Eta ibilbide honetan, INDEUSek euskararen presentzia txikia duten enpresei ere ireki dizkio ateak, aurrekoen eskarmentua besteen eredu izango delakoan. Gaur egun 29 enpresa eta elkarte ditu INDEUSek.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
IndeusBerri: Industria eta Euskararen plaza
Gaur albiste dira Arabako Enpresen Foroa, ETEKIN Topaketa, Nortasuna Sarean jardunaldia eta Mekanika kuantiko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua