Indumentalek aurrera pausoak eman ditu gailu elektriko eta elektronikoen birziklapen-sektorean robotak txertatzeko
Enpresak automatizatzeko prozesuak, batez ere lan-linearen amaierakoak, ohikoak dira Euskadin eta robotak gero eta gehiago erabiltzen dira, batez ere produktu bat amaitzeko piezak muntatzea eskatzen duten zereginetan, etxetresna elektrikoak edo automobilak adibidez. Behin haien bizitza erabilgarria amaituta, ekipo elektriko eta elektronikoen hondakinak kudeatzea lan konplexua da, eta robotizazio-prozesua oraindik urrun dago.
Horretan ari da lanean Indumetal Recycling hain zuzen ere. Erandion (Bizkaia) kokatuta dagoen enpresa hau Europako HR-Recycler (Human-Robot Recycler) proiektuaren parte da, Europako Batzordearen Horizon 2020 programaren barruan. Horren bidez, robotika horrelako zereginetan txertatzeko erronkari aurre egin nahi zaio; izan ere, urrats konplexuagoa da mihiztadurarekin konparatuz, ez baitira hain mugimendu mekaniko eta errepikakorrak, eta langileen eta roboten arteko elkarreraginean malgutasun handiagoa eskatzen duten prozesuekin lan egiteko moduak baitira.
Manufakturatutako produktuak birziklatzea gero eta garrantzi handiagoa duen sektore bihurtu da, eta bertan automatizazioa lortzea da helburuetako bat, tresna elektrikoak eta elektronikoak birziklatzeko premia gero eta handiagoa baita. Japoniako Nazio Batuen Unibertsitateak egindako ikerketa baten arabera, azken bost urteetan Asian hondakin horien kopurua % 63 hazi da. Europan mundu osoko hondakin hauen % 30 inguru sortzen da, eta bada datu kezkagarri bat: mundu osoan hondakin horien % 20 baino ez dira biltzen birziklatzeko.
HR Recyclerrek gaur egungo datuak eraldatzeko tresnak sortu nahi ditu, automatizazio handiagoa ahalbidetuz eta, horrela, gailu-bolumen handia birziklatzeko ahalmen handiagoa sortuz. Orain, aurrera egin dute automatizazio handiagoa ahalbidetuko duten pertsonen eta roboten arteko elkarrekintzarako ikuspegi teorikoak baliozkotzeko, ” langile bakoitzari egokitu eta pertsonalizatuko zaizkion teknikak garatuz, lankidetza arrakastatsua ziurtatzeko”, adierazi dute enpresatik. Azken helburua larrialdietako lanparak edo Led monitoreak eta ordenagailu-dorreak desmuntatzea da.
Indumetalek, Tecnaliarekin batera, bere instalazioetako lehen interakzio probak egin ditu. “Pertsonek robotekiko duten konfiantza aztertzea da helburua, elkarlanean lan egiteko orduan”, azaldu dute euskal enpresako bozeramaileek. Azken asteetan, Indumetaleko 50 profesionalek eta Gaiker eta Tecnalia euskal zentro teknologikoek hasierako test hau egin dute pertsonek makinen simulazio baten aurrean dituzten erreakzioak aztertzeko.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.