Indusmedia, industri arloko enpresei zuzendutako marketin digitalaren urteroko hitzordua, azaroaren 23an egingo da
Indusmedia 2021 kongresua, industri arloko enpresei zuzendutako marketin digitalaren urteroko hitzordua, azaroaren 23an egingo da Orona IDeOk Hernanin duen egoitzan. Kongresu horren helburua da ideien, ezagutzaren eta inguru hurbileko kasu arrakastatsuen trukea sustatzea, marketin digitalak industria-ehunari eskaintzen dizkion aukerak ezagutarazteko. Iazko ekitaldi telematikoaren ondoren, aurtengoa presentziala izango da berriro ere.
Eusko Jaurlaritzak -enpresen garapenerako SPRI agentziaren bitartez- eta Mondragon Unibersitateak antolatzen dute Indusmedia. Topaketa horrek jarduera-egitarau zabala eskaintzen du, besteak beste, berrikuntzari eta marketin arloko estrategia berriei buruzko hitzaldiak eta industri arloko konpainia eta tailerren digitalizazioko kasu praktikoak. Networking-espazioak ere antolatuko dira sektoreko profesionalen arteko konexioa sustatzeko.
Gainera, aurtengo edizioan industri sektoreko enpresa ezagunek parte hartuko dute, hala nola ULMA Architectural, Stratenergy-Velatia edo Tecnipesak. Ekitaldi hau bereziki zuzentzen zaie sektore industrialeko enpresetako marketin, salmenta nahiz merkataritzako arduradunei eta kudeatzaileei. “Indusmedia lagungarri da euren enpresa industrialetan marketin digitaleko estrategiak aplikatu dituzten zuzendaritza-karguen esperientzietatik ikasteko” adierazi dute antolatzaileek.
Eusko Jaurlaritzako Eraldaketa Digital eta Ekintzailetzako zuzendari Leyre Madariagak emango dio hasiera jardunaldiari. Dagoeneko zabalik dago ekitaldian izena emateko epea.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.