IndusSec kongresuak industriako zibersegurtasuna izango du aztergai
SPRI Taldeak (enpresen garapenerako euskal agentziak) urtero antolatzen duen Indussec kongresuak industri arloko zibersegurtasuna hartuko du aztergai aurtengo edizioan. Ekitaldia telematikoki egingo da datorren maiatzaren 12an.
Kongresua foro bat izango da industria inguruneetako zibersegurtasunaren arloko ideiak, esperientziak eta kasu arrakastatsuak trukatzeko. Horretarako, gai horretako hainbat adituk azalduko dute zein diren ingurune mota hauetan gertatzen diren ohiko erasoak eta, batez ere, arrisku horietatik babesteko edo arriskuak gutxitzeko teknikak erakutsiko dituzte.
Horrez gain, enpresa industrialen kasu errealak aurkeztuko dira eta aukera egongo da lehen eskutik ezagutzeko sektoreko arazoen inguruko esperientziak.
Zibersegurtasuneko Euskal Zentroko (Basque Cybersecurity Centre) zuzendari Javier Diéguezek irekiko du kongresua eta haren ostean parte hartuko dute Telefónicako Patricia Diezek -zibersegurtasuna 5G teknologian gaiaz hitz egiteko–, eta Palo Alto-ko Pablo Ibañezek –IoT sareetako arrisku eta prebentzio neurriez aritzeko.
Jardunaldiari buru emateko, hiru enpresa-kasu aurkeztuko dira Onnera Group-eko Sergio Sánchez, RPK-ko Andoni Aparicio, Moldes Ura-ko María García eta Bahía Bizkaia Electricidad-eko Sergio Gómezen eskutik.
Lotutako albisteak
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko