Industri arloko 258 ETEk digitalizazio, elektronika eta informazio eta komunikazio arloko teknologiak txertatu dituzte Eusko Jaurlaritzari esker
SPRI Taldeak itzuli beharrik gabeko 2,5 milioiko diru-laguntzak eman zituen iaz Industria Digitala programaren bidez
Laguntza horien bitartez 8,1 milioitik gorako inbertsio induzitua eragin da Euskadiko enpresa-sarea digitalizatzeko
Eusko Jaurlaritzak, bere enpresa garapenerako agentziaren bitartez (SPRI Taldea), industri arloko 258 euskal ETEri lagundu zien iaz 2,5 milioi eurotik gorako diru-laguntzak emanez. Industria Digitala programara bildutako diru-laguntza horien helburua da digitalizazio, elektronika, informatika eta komunikazio arloko teknologiak txertatzea enpresen prozesuetan. Ekimen horren bitartez 8,1 milioitik gorako inbertsio induzitua eragin da Euskadiko enpresa-sarea digitalizatzeko.
Diru-laguntza horiek ez dira itzuli behar eta Basque Industry 4.0 Estrategiaren barruan garatu diren tresnetako bat dira. Estrategia hori, berriz, Eusko Jaurlaritzak diseinatutako lan-mapa bat da euskal industria Europako abangoardian kokatzeko.
Industria Digitala programak eta Basque Industry 4.0 ekimenak helburutzat dute laguntzak ematea manufaktura sektoreko ETE industrialei EIKTak (Elektronika, Informazio eta Komunikazio Teknologiak) txertatzeko beren prozesuetan, eta baita ere produktu industrialen diseinuan eta montajean lan egiten dutenei.
Diru-laguntza horiek mota desberdinetako 366 proiektutan aplikatu ziren: hornikuntza-katearen kudeaketa, proiektuaren bizi-zikloa, produkzio prozesua, mantenimendua, logistika edo merkataritza elektronikoko eta zerbitizazioko web orriak.
Proiektu bakoitzak 9.500 eurotik gorako diru-laguntzak jaso ditu batez beste, aurreko edizioetan baino dezente gehiago. 2015ean 8.100 eurokoak izan ziren.
Laguntzak jaso dituzten enpresen %83k 50 langile baino gutxiago dituzte eta horietatik %63 enpresa txikiak dira. Sektoreka, metalurgia eta metalezko produktuen arloko enpresak dira nagusi, sektore horretara joan baitira laguntzen %42; atzetik datoz makinaria sektorea (%14), elikadura eta kautxua (biak %7tik gorako portzentajearekin). Eskaera gehienak Gipuzkoako enpresek aurkeztu dituzte (148) eta ondoren Bizkaia (85) eta Arabakoek (48).
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.