Spri Taldea Enpresen Garapenerako Euskal Agentzia
Korta enpresa familiar bat da, duela 40 urte sortua eta Zumaian (Gipuzkoa) kokatua, hasieratik torlojuak bolaz egiten espezializatua eta makina-erreminta, energia, automobilgintza edo aeronautika bezalako sektoreetan leku garrantzitsua duena.
Kortako lehen proiektu aeronautikoetako baten barruan, piezen %100ean artezketa-prozesua ziurtatzeko beharra sortu zen. Eraso kimikoen prozesuekiko alternatibak bilatzean, Barkhausenen zarata magnetikoaren teknologia aurkitu zen, eta horri esker, mantentze prediktiboko teknikak inplementatu ahal izan dituzte, pieza akastunen kopurua zuzendu eta murriztu ahal izateko.
Begira bideoa!
Torlojuetan artezketaren ondorio diren erreketarik eta gogortasun-geruzarik ez dagoela ehuneko ehunean ziurtatu behar da. Materialaren mikroegiturarekin eta gogortasunarekin lotuta dagoen Barhauser zarata magnetikoa neurtzeko sentsore batzuk garatu dira. Behin piezak arteztuta daudela, proiektu honetarako sortutako BNA bankura eramaten dira, non piezaren ekorketa egiten den zarata magnetikoa neurtuz. Seinale hauekin, torlojuan gogortasun arazoak edota erreketak detektatzea posible da. Datu hauen joeraren azterketak, aukera ematen du gerta litezkeen arazoei aurreratzeko, akastun piezak deusestatzeko eta ehuneko ehunean pieza ziurtatuak entregatzeko.
Aeronautika
Cikautxo Mondragon taldeko automobilgintzako kooperatiba bat da, eta 2.500 langile inguru ditu mundu osoan, presentzia nabarmena baitu Espainian, Txekiar Errepublikan, AEBetan, Mexikon eta Indian, besteak beste.
Heroslam Euskadiko lehen Lan Sozietate Anonimoa da, 1973an sortua. Eskakizun handiko sektoreetarako (aeronautika, eraikuntza, automobilgintza...) hariztatzeko tresnen fabrikazioan oinarritutako enpresa da.
In-metals Inoxidables enpresa Teknikerrekin elkarlanean aritu da BDIH Konexio programaren bidez, altzairu herdoilgaitza koloratzeko prozesua optimizatzeko. Zehazki, "magnetron sputtering" teknikarekin esperimentatu du, PVD bidezko kolorazioak kanpoaldean eragiten zituen arazoak konpontzeko. Egindako probei esker, In-metals-ek bere produktuak askoz ere ingurune oldarkorragoetan erabili ahal izan ditu.
Talleres Asca 1970eko hamarkadan arte sortu zen, Durangaldean zeuden burdinurtuei zerbitzua emateko helburuarekin. 2014an, zuzendaritza berri batek bazkide sortzaileen lekua hartu zuen, eta enpresa eraldatzeko eta modernizatzeko aldi bati hasiera eman zion.
Ekide enpresa industriala da, 1990ean sortua eta Arrasaten kokatua. Gaur egun, fabrikaziorako hiru lantegi propio ditu, bi Euskadin eta hirugarren bat Mexikon. Ingeniaritza eta fabrikazio-zerbitzuengatik nabarmentzen da, batez ere hainbat fabrikazio-prozesu integratzeko duen gaitasunagatik, hala nola soldadura, itsasgarria eta pintura.
