Industria Sailak Eraldaketa Digitalarekin konpromiso handiena duen administrazio publikoaren saria jaso du
Eusko Jaurlaritzako Industria, Trantsizio Energetiko eta Jasangarritasun Sailak Eraldaketa Digitalarekin konpromiso handiena duen administrazio publikoaren saria jaso du DOK SUMMIT kongresuan. GAIA – Ezagutzaren eta Teknologiaren Industrien Klusterrak eta ESLE – Euskadiko Software Libreko Enpresen Elkarteak antolatutako ekitaldia azaroaren 11n eta 12an ospatu da, Bilboko Euskalduna Jauregian, eta horretarako SPRI Taldearen laguntza izan du. Kongresuak Euskadiko ekosistema digital, teknologiko eta enpresarialeko eragile nagusiak bildu ditu, 98 jarduerarekin. Horien artean, honako hauek nabarmentzen dira: dozena bat hitzaldi, 30 kasu arrakastatsutik gorako aurkezpena, bost aditu-panel, 10 hitzaldi inspirazional, tailerrak, erakusketak eta jarduera osagarrien zerrenda luzea.
Jaione Ganzarain Teknologia, Berrikuntza eta Eraldaketa Digitaleko sailburuordeak jaso du Eraldaketa Digitalarekin konpromiso handiena duen administrazio publikoaren saria, eta honako hau nabarmendu du: “eraldaketa digitalan benetan benetan siniesten badugu, ezinbestekoa dugu sektorearen eskutik lan egitea. Ez dago irtenbide magikorik, badakigu nola egiten den bidaia hori: lankidetza publiko-pribatua indartu, inbertsio publikoa ahalbidetu eta gizarte osoari zabaldu arlo honetan Euskadin egiten den lan garrantzitsua. Adibide moduan, gure herriak zibersegurtasun-enpresen tasarik handienetakoa du biztanleriaren arabera, Estatuko eta Europar Batasuneko batez bestekoaren oso gainetik, eta hori ez da kasualitatea. Sektore sendoa dugula eta Euskadi leku erakargarria dela adierazten du horrek. Jarrai dezagun bide honetatik”.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.