+INDUSTRY 2023 ekitaldiak industria aurreratuaren arloko 700dik gora enpresa lider bilduko ditu SPRIren babesarekin
Bilbao Exhibition Centre industria aurreratuaren topagune estrategiko bihurtuko da ekainaren 6tik 8ra, hantxe egingo baita +INDUSTRY 2023 ekitaldia, Smart Manufacturing-ari eskainitako Espainiako plataforma handiena. Hogei herrialdetako 722 konpainia erakusketarik parte hartuko dute topaketan, 912 produktu eta 132 nobedade egongo dira ikusgai, eta 50 hizlarik hitzaldiak eskainiko dituzte. + Industry ekitaldiak SPRIren babesa du, eta baliagarri izango da gogoratzeko SME Week eta Basque Open Industry ekitaldiak ere BECen egingo direla azaroaren 13tik 17ra.
Barakaldoko BECen egingo den Basque Open Industry 2023 ekitaldiak euskal industriaren potentzial osoa bilduko du eta nazioarteko proiekzio handia emango dio Euskadiri. Batetik, SME Assembly batzarrarekin (azaroak 13-15), ETEentzako Europako ekitaldi garrantzitsuenarekin. Eta, bestetik, aste horretan bertan (azaroak 15-17) egingo den Europe Enterprise Network-EEN sarearen urteroko konferentziarekin. Euskadi EEN-ko kide da hasiera-hasieratik eta antolakunde horrek milatik gora ordezkari europar biltzen ditu.
+Industry 2023
Hiru egunez, ekitaldiak BECeko 1 eta 3 pabilioietan bilduko ditu industriarako fabrikazio-prozesu eta hornikuntza, digitalizazio, fabrikazio aurreratu, 3D inprimaketa eta prozesu industrialetarako ekipamendu arloetako nobedade eta aurrerapen garrantzitsuenak, bai eta aktiboen mantenimendurako azken produktu eta teknologiak.
Sustapen-erakusleiho paregabea izango da, zeinak aukera emango baitu sektore arteko sinergiak eta harreman komertzialak aprobetxatzeko, aldi berean hainbat azoka egingo direlako, erreferenteak direnak bakoitza bere sektorean: ADDIT3D, BeDIGITAL, MAINTENANCE, PUMPS&VALVES eta AZPIKONTRATAZIO azokak, industriarako hornidura eta burdineriaren azoka eta WORKinn Talent Hub ekitaldia.
Hala, Estatuko eta nazioarteko milaka bisitari profesional espezializatu dagoeneko erregistratu dira azoka bisitatzeko. Hainbat sektoretatik datoz, besteak beste hauetatik: aeronautika, automobilgintza, ekipo-ondasunak, burdinbideak, ingeniaritzak, makina-erreminta, ontzigintza, petrokimika, banaketa-kanalak, hornikuntza industrialen biltegiak, burdindegi kooperatibak edo erosketa-taldeak.
Gainera, +INDUSTRY ekitaldian hitzaldi egitarau zabala eskainiko da berrogeita hamar hizlari baino gehiagoren eskutik. Guztira, 23 eztabaida-ordu baino gehiago izango dira, zeintzuetan hizpide hartuko baitira industria aurreratua, fabrikazio gehigarria eta 3D inprimaketa garatzeko azken estrategiak; digitalizazioa eta prozesuen automatizazioa; metabertsoa eta biki digitalak; zibersegurtasun industriala, 5.0 mantenimendua, eta abar.
Gainera, +INDUSTRY ekitaldiak iraungo duen hiru egunetan Innovation Workshops izeneko aurkezpen laburrak egingo dira, eta enpresa erakusketari eta babesleek haietan aurkeztuko dituzte azken berrikuntza teknologikoak, kasu praktiko arrakastatsuak eta konponbide onenak.
Lotutako albisteak
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.