Ingartek-ek garapen teknologikoa eta soziologia uztartzen ditu mugikortasunaren eta garraioaren esparruan

Sergio Barreña, Ingarteko Soziologia eta Estatistika Arlokoa

Ingartek mugikortasunaren eta garraioaren esparruan lan egiten duen ingeniaritza da, pertsonen zein salgaien mugikortasun segurua, eraginkorra, iraunkorra eta komenigarria lortzeko helburuarekin. 2009an jaio zen, BIC Bizkaia Ezkerraldean, mugikortasunaren eta garraioaren esparrutik zetozen lau pertsonaren eskutik.  

“Proiektua sortu zenetik, ingeniaritzako, matematikako eta soziologiako profesionalek bat egiten zuten. Orduz geroztik, Ingartek-ek teknologia garatzeko gaitasunak, data science, algoritmia eta soziologia bateratu nahi izan ditu, bezeroei mugikortasunaren plangintza, analisia, ustiapena eta optimizazioa errazteko”, azaldu du Sergio Barreñak, Soziologia eta Estatistika Arlokoak. 

Barreñak azpimarratu duenez, urteak igaro ahala, “argi geratu da datu kopuru handiak prozesatzeko eta horiekin lan egiteko gaitasuna funtsezkoa dela gure bezeroentzako informazio erabilgarri bihurtzeko”. Hori dela eta, Ingartek-ek aurrera egin du esparru horretan, eta itunak sustatu ditu inguruko unibertsitate eta zentro teknologikoekin, hala nola Tecnalia, Deustotech, Vicomtech edo Mondragon Unibertsitatearekin; baita datuak ematen dituzten enpresa handiekin ere, hala nola Orange. 

Gaur egun, 30 pertsonak osatzen dute plantilla, mugikortasunaren eta garraioaren plangintzan, kudeaketan eta eragiketan eskumenak dituzten erakundeentzat lan egiten dutenak, bai eta garraio-operadoreekin eta azpiegituren kudeatzaile publiko zein pribatuekin eta garraioko eta logistikako bide-azpiegituren arloko ingeniaritza handiekin ere. “Merkatu geografikoari dagokionez, gure hastapenetan Euskadin hurbilago dagoen eremu bateko bezeroekin lan egiten dugu, eta duela zenbait urtetik hona gure merkatua Estatu osoko bezeroetara hedatu da“, dio Barreñak. 

Deskarbonizazioa eta digitalizazioa, garraiorako erronkak 

Ingartek-ek bere sektorearen erronka nagusietako bi oso gogoan ditu: deskarbonizazioa eta digitalizazioa, “hori guztia jasangarritasunaren paradigma globalaren pean”, Barreñak dioenez. Azaldu du, gainera, deskarbonizazioak ekonomia osoari eragiten diola, baina bereziki mugikortasunarekin zerikusia duen guztiari, garraioa baita, bere izaeragatik, emisio gehien sortzen duen sektoreetako bat. “Beraz, emisioen mugikortasun neutrorako trantsizioak erronka tekniko, operatibo eta plangintzakoak dakartza”. 

Iraunkortasun-ildo horretan bertan integratzen da digitalizazioa ere, eta mugikortasun adimendunerantz aurrera egitea du helburu. Adimen Artifiziala (IA), Gauzen Internet (IoT) edo 5G sareak bezalako soluzioak existitzen dira eta erabiltzen dira, “mugikortasun-zerbitzuak ematen eta ustiatzen diren modua eraldatu egiten dutenak eta etorkizunean askoz gehiago egingo dutenak”. Barreñak hainbat adibide argi ditu: MaaS plataforma berriak (mugikortasuna zerbitzu gisa), ibilgailuen arteko datu-trukeak (V2V) eta azpiegiturekin (V2I), kamioientzako aparkaleku seguruak, telefonia-datuen erabilera jatorri-helmuga joan-etorriak lortzeko, etab. 

Horregatik, Ingartek-ek I+Ga ere kontuan hartzen du, eta duela gutxi bi proiektu garrantzitsutan parte hartu du. Alde batetik, C-Roads ibilgailuarekin eta konektatutako azpiegiturarekin lotutako teknologia testatu nahi du, eta Multihubentzat, berriz, enpresak hiri batean ibilgailu elektrikoak behar dituen azpiegiturak planifikatzeko irtenbide bat garatu du.  

SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. 

Lotutako albisteak

24 ekaina, 2024 Digitalizazioa

Euromatismos, ate automatikoen arloko liderra

Irakurri gehiago

18 ekaina, 2024 Digitalizazioa

Buho Electronics, mantentze prediktibo industrialaren lider nazionala

Irakurri gehiago

14 ekaina, 2024 Digitalizazioa

Oreka Circular Economy aplikazio mugikor baten bidez elikagaien alferrik galtzea murrizten laguntzen du

Irakurri gehiago

12 ekaina, 2024 Digitalizazioa

Electricidad Telgak ikusmen artifiziala erabiltzen du prozesu elektriko industrialen automatizazioan

Irakurri gehiago

6 ekaina, 2024 Basque Trade & Investment

Eusko Jaurlaritzak euskal enpresei lagundu die BIEMHn, SPRI taldearen bitartez

Irakurri gehiago

Joan blog-era