Ingeniaritza eta teknologiaren dibulgaziorako Forotech ekitaldiaren zazpigarren edizioa Deustuko Unibertsitatean
Maiatzaren 15etik 17ra bitartean egingo den sinposium horrek babesletzat ditu SPRI Taldea eta beste erakunde publiko nahiz pribatu batzuk, zeintzuek teknologiaren aldeko apustua egin baitute hazkunde ekonomiko handiagoa eta ongizate sozial hobea lortzeko.
Egitarauan aipatzekoak dira hainbat gairi buruzko hitzaldiak (ekodiseinua, ekonomia zirkularra eta zibersegurtasuna), Escape Room bat eta Call for Code 2019 ekimenaren aurkezpena.
Deustuko Unibertsitateak Forotech ekitaldiaren zazpigarren edizioa ostatatuko du maiatzaren 15etik 17ra. Topagune horretan elkarrekin batzen dira unibertsitateak, enpresak eta ikasleak, helburutzat harturik ingeniaritza eta teknologia hiritarrengana hurbiltzea eta ikerketarekin nahiz garapen teknologikoarekin lotutako bokazioak sustatzea, batik bat, emakumeen artean. Ingeniaritza Fakultateak antolatzen du eta babesle eta laguntzaile ditu SPRI Taldea (enpresen garapenerako euskal agentzia) eta beste erakunde publiko eta pribatu batzuk, zeintzuek ingeniaritzaren eta teknologiaren aldeko apustua egin baitute hazkunde ekonomiko handiagoa eta ongizate sozial hobea lortzeko.
Forotech ekitaldian industriaren eta teknologia berrien munduko gonbidatu garrantzitsu zenbait bilduko dira, mahai-inguruak eta tailerrak antolatuko dira, eta Emakume Teknologoarentzako Estatu mailako Ada Byron saria banatuko da. Sariketa horren helburua da ikusgarritasuna ematea emakumeek zientzia eta teknologia arloetan egiten duten lanari, I+G-ren aldeko bokazioa piztea emakumeen artean eta aldarrikatzea zein garrantzitsua den teknologia hazkunde ekonomikorako nahiz gizartearentzako etorkizuneko balio gisa.
Topaketaren hiru egunetan erakusketa teknologiko bat egongo da ikusgai Unibertsitateko klaustroan (goiz eta arratsaldez zabalik) eta tailerrak eta bisita gidatuak egingo dira, batez ere oraindik unibertsitatean ez dauden ikasleentzat.
Era berean, hilaren 15ean (asteazkena) Vodafone Innovación sariketa aurkeztuko da eta Big Data eta Business Intelligence programetako diplomak banatuko dira.
Hilaren 16an (osteguna), Ada Byron sariak banatzeko ekitaldiaz gain, orobat egingo da Deustuko Ikasleen Ingeniaritza Klubak antolatutako “Aurkitu irtenbidea gurekin” jarduera, hain ezagun egin diren Escape Room jardueren estilokoa, eta Call for Code 2019 ekimena aurkeztuko da, zeinetan konponbide teknologikoak sortu beharko baitira osasunarekin lotutako arazoak konpontzeko: elikagaien eta uraren segurtasuna hobetzea, material medikoa eta medikamenduen hornikuntza eta banaketa hobetzea, gaixotasun eta epidemien jarraipena egitea eta desagerraraztea, erregistro medikoetara sartzea, osasun mentaleko arazoak dituzten pertsonen premiei erantzutea eta biztanleria-multzo kalteberenei laguntzea.
Hilaren 17an (ostirala), goizeko bederatzietatik aurrera, ekodiseinuari eta ekonomia zirkularrari buruzko jardunaldiak egingo dira. Birziklapenaren Nazioarteko Egunaren karietara (Unesco), Ihobe, Vidrala, Ecoembes eta ANFEVIk Ekodiseinuarekin eta Ekonomia Zirkularrarekin lotutako proiektuak aurkeztuko dituzte. Ondoren, Caja de Ingenieros Taldearen Talentu Sariak eta Management Solutions Sariak banatuko dira. “Amesgaiztoa Industrian” izeneko zibersegurtasun-jardunaldia ere egingo da, non Grupo Etxetar, Titanium eta Deustuko Industria Digitaleko Katedrak beren aurkezpenak egingo baitituzte
Lotutako albisteak
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Talleres Altube, doitasuna nortasunean daraman Gipuzkoako mekanizazio-enpresa
Bergarako konpainiak SPRI Taldearen zibersegurtasun-programako laguntza bat jaso du, eta negozioa % 50 handitzea espero du 2027rako
CIC biomaGUNEk enpresa bat abiarazi du, nanosentsoreak erabiliz gaixotasunen diagnostikoa eraldatzeko
Taldeki Biosolutions enpresak antigorputzak azkar, merke eta sendotasunez detektatzeko sentsoreak garatuko ditu, egungo in vitro diagnostikoaren egonkortasun- eta kostu-arazoak gainditzeko
Danobatek fabrikazioa irauli du doitasunezko robot berritzaile batekin
Euskal fabrikatzailea robotikaren sektorean sartu da diseinu disruptibo batekin: doitasun eta dinamika handia eskatzen duten eragiketetarako berariaz diseinatutako robot eredu berritzaile batekin.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.