IoT inguruneetako zibersegurtasunaren erronka
ITS enpresak uste du Basque CiberSecurity Centre lagungarri izan daitekeela Euskadi zibersegurtasunaren arloko berrikuntza-gune bihurtzeko Europan
Industria sektoreko zibersegurtasunaz ari garenean, adituek bi jarduera-esparru bereizten dituzte: IT inguruneak (Information Technology – informazio teknologiak) eta OT inguruneak (Operation Technology – operazio teknologiak). IT inguruneak dira enpresa bateko ordenagailuek, zerbitzariek eta hodeiko zerbitzuek osatzen dituztenak. Balio dute informazioa gordetzeko, Interneteko zerbitzuak eskuratzeko, posta elektronikoa erabiltzeko eta beste makina batzuetako informazioa bistaratzeko. OT ingurunea edo IoT osatzen dute konputazio gaitasun mugatua duten gailuek, zeintzuek datuak eskaintzen baitituzte eta prozesuen funtzionamendua erregulatzen baitute. Horietako batzuk dira PLCak, SCADA gailuak, sentsoreak eta Gauzen Internetekin lotutako tresnak.
Duela gutxira arte OT inguruneak ez ziren konektatzen IT inguruneekin eta horri esker babestuta zeuden kanpoko erasoetatik (zuzeneko ekintzen eragina bakarrik jasan zezaketen, hau da, fisikoki egindakoena). Prozesuen digitalizazioarekin ordea gailu horiek badituzte kanpoko elementuekin lotzen dituzten konexioak eta, beraz, baita ere arazo berriak. Hain zuzen, uste da OT inguruneen zibersegurtasunak 15 urteko eten bat duela IT inguruneekin alderatuta. Horrez gain, kontuan izan behar da OT munduko gailuek komunikazio protokolo desberdin ugari baliatzen dituztela, hori dela eta, enpresa espezializatuentzat sekulako erronka da gailu horien segurtasuna zaintzea.
Konpainia horietako bat ITS da, 2007an Mendaron (Gipuzkoa) sortua Egile Taldearen barruan. Bere espezializazio arloa IoT industrialaren zibersegurtasuna da, “zeren IT inguruneetako erasoek ez baitute inpaktu ekonomiko handirik, baina bai ordea OT inguruneei zuzendutakoek, posible baita horrelako eraso batek produkzioa geldiaraztea edo sistemetan eragina izatea” azpimarratu du Alvaro Frailek, ITSko zuzendari nagusiak. “Kontrol sistemak egiten ditugu trenetarako, geltokietarako edo sarbideetarako. Baditugu orobat urtegietako konportak kontrolatzeko segurtasun sistemak. Norbait kanpotik sartuko balitz kontrol horietara bidea izango luke trenak eta geltokiak geldiarazteko edo urtegietako konportak irekitzeko, eta horren inpaktua –ekonomikoa zein enpresaren izen onari dagokiona- sekulakoa izango litzateke” azaldu du.
Azken urteotan asko ugaritu dira OT edo IIoT (Gauzen Internet Industriala) inguruneetara bideratutako erasoak: hasi 2010ean gertatutako Stuxnet erasotik –Irango zentral nuklear batean gertatu zena- eta Industroyer edo Triton modernoagoetara. Zibersegurtasun arloko adituen erronka da “gailu horien protokoloak ulertzea”, funtzionamendua eragotzi gabe. “OT munduan garrantzitsuagoa da disponibilitatea integritatea baino. Ezin ditugu inplementatu latentzia bat eragiten duten konponbideak edo prozesuak moteltzen dituztenak. Ezin ditugu makinak edo sistemak gelditu zer gertatzen den jakiteko. Ongi ezagutu behar da ingurunea konponbideak martxan jartzeko” gogorarazi du Alvaro Frailek.
Bada beste erronka bat ere: enpresak zibersegurtasunaren inguruan kontzientziatzea. “Ulertu behar da zibersegurtasunak zutabe estrategiko bat izan behar duela enpresaren barruan. Zuzendaritza batzorde edo administrazio kontseilu guztiek aztertu behar dute zibersegurtasunaren auzia, kalitatezko ISO ziurtagiriak, langileen segurtasuna edo energia eraginkortasuna aztertzen dituzten bezalaxe. Ulertu behar dugu ez dela bakarrik informatika sailaren kontua, baizik eta erakunde osoarena, hasi zuzendari nagusiarengandik eta azken langileraino” azpimarratu du ITS enpresako zuzendari nagusiak.
Basque CiberSecurity Centre-k zeresan handia dauka kontzientziazio-lan horretan eta Euskadiko zibersegurtasunaren ekosistema bultzatzeko langintzan. ITSren iritziz “oso ekimen positiboa da, eta kolaboratiboa gainera”. “BCSCk zibersegurtasuna zainduko du, gai horri buruzko aholkularitza emango die enpresei, eta garrantzia eta ikusgarritasuna emango digu sektoreko konpainioi Europa osoan. Horri esker, baliteke denbora gutxian Euskadi zibersegurtasunaren arloko berrikuntza-gune bihurtzea, erreferentziazkoa eta expertise handiduna” esan du Alvaro Frailek.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
SOC-Ek bere kokapen zientifiko-teknologikoa sendotu nahi du esparru aeroespazialean
Bizkaiko konpainiak Etherneten oinarritutako komunikazio-soluzioak eskaintzen dizkie Airbus, Boeing, Lockheed Martin edo Blue Origin bezalako bezeroei, eta sektore horretara bideratutako Time-Sensitive Networking (TSN) komunikazio ziberseguruetarako I+G proiektu handi batean murgilduta dago.