IP21 Ingeniaritza, 20 urte teknologia eraikuntza-sektorean aplikatuz
IP21 Ingeniaritza 2001ean sortu zen Irunen, eta, gaur egun, Ordizian eta Iruñean ere badago, eta hainbat zerbitzu eskaintzen ditu sektore anitzetan: bizitegi-sektorea, industria, zerbitzu-sektorea eta erakunde publikoak. Komunikazioen eta teknologia berrien diseinuan espezializatutako ingeniaritza gisa sortu zen, eta 2008tik aurrera erabaki zuen bere eskaintza zabaltzea.
“Diziplina anitzeko langileak bilduz, zerbitzu hauek ere eskaintzen hasi ginen: elektrizitatea, klimatizazioa, berokuntza, aireztapena, suteak, jarduerak, eraginkortasun energetikoa, etab. Ondoren, 2016. urtean, enpresak bere zerbitzuak digitalizatzearen aldeko apustua egitea erabaki zuen, eta BIM metodologia gehitu zen. Hala, 2021. urtean ISO 19650 ziurtagiria lortu zuen, Espainian ziurtagiri hori duten ingeniaritza bakarretako bat izanik”, adierazi du Gorka Leal Irastorza IP21eko BIM proiektuen arduradunak.
Gaur egun, IP21ek 16 langile finko ditu, eta kolaboratzaile-sare bat, “gero eta proiektu konplexu eta zorrotzagoei aurre egiteko”. Hala, 20 urte bete ditu eraikuntzan teknologia aplikatzen, baina, Lealen arabera, “inflexio-puntua BIM metodologia horren agerpena izan da. Metodologia hori konplexua da, baina, behar bezala aplikatuta, proiektu ‘errealistagoak’ garatzeko aukera ematen du, abantaila askoren artean kostuak eta epeak kontrolatzeko eta gauzatze-fasean egon daitezkeen arazoei aurrea hartzeko aukera ematen dutenak”.
Digitalizazioaren aldeko apustua, alor anitzeko eta ekipo moldagarriekin batera, bezero bakoitzarentzat instalaziorik onenak diseinatzeko aukera ematen dute, eta horiek dira, Lealek bere sektorean nabarmendu nahi dituen ardatzak. Gainera, berrikuntza beste alor garrantzitsua da ere: “Digitalizazioa merkatuko soluzioak erabiliz zehaztu daiteke (eskanerra, datu eta lankidetza ingurune komunak, 360 kamerak, BIM, etab.), langileen prestakuntza sustatuz (urrunekoa edo aurrez aurrekoa) eta profesionalen arteko sinergiak sustatuz. Horrela, langile talde trebea lortzen dugu, aurkezten diren erronkei egokitzeko modukoa”.
Ibilbide horretan, IP21ek proiektu nabarmenak ditu, hala nola REBEK aplikazioaren garapena, enpresak berak erabiltzen duena eta gaur egun merkaturatzen duena.Tekonologia horrek aukera ematen du obrak kontrolatu eta dokumentatzeko, eta ezaugarri nagusi hauek ditu: 360º -ko irudien lotura egitea plano bakoitzeko eremuekin edo gelekin; gremioei esleitutako joerak sortzea; gremioen araberako txostenak sortzea; lanaren bilakaera ikusteko aukera ematen duten irudien konparazioa; eta informazioa 360º -ko irudiarekin lotzea, hala nola fitxa teknikoak, eskemak, legeztatze-dokumentuak, etab.
Enpresa beste proiektu batean murgilduta dago, eraikuntza industrializatuaren sektorean. “Gaur egun, proiektu- eta aholkularitza-ingeniaritza egiten dugu industrializazioan punta-puntakoa den enpresa batentzat (JIT HOUSING). Horri esker, etorkizuneko soluzioaren garatze prozesuan egon gaitezke, eta, gure ustez, irtenbide hori lan prozesuetan ezarriko da”, adierazi du Lealek.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.
40 urte baino gehiago enpresa grafikoei babes digitala eskainiz
Bizkaiko Consultores Asociados enpresak ERP Gestión 21 softwarea eskaintzen du, nazioartean eta Euskadin oso zabalduta dago.
Euskadiko bost erakundek tuneletako eta industria-inguruneetako langileentzako segurtasun-plataforma digital bat garatu dute
Soluzio teknologiko berritzaile bat da, tuneletan eta industria-inguruneetan izaten diren gorabeherak garaiz identifikatzeko pentsatua, eta TECNALIAk garatu du Externalia Solutions, Hierros Abra, Lurpelan eta Abra Seguridad enpresekin batera.