Irontec enpresak Jordanian errefuxiatuta dauden pertsonentzako call center adimentsua sortu du
Plataformak aukera ematen du telefono bidez NBEko lan-aholkulariekin konektatzeko
Irontec enpresa bizkaitarrak komunikazio-plataforma bat garatu du eta horri esker Jordaniako Azraq eta Zaatari esparruetan errefuxiatuta dauden pertsonek aukera dute telefonoaren bidez lan-aholkulariekin konektatzeko euren lan-itxaropenak hobetzearen ondoreetarako. Proiektua NBEaren barruko Agentzia den ILO – Lanaren Nazioarteko Antolakuntzarentzat egin da eta Jordaniako Lan Ministerioaren lankidetza izan du.
Sistema IP ahotsean edo Internet bidezko ahotsean oinarritzen den call center adimentsua da eta software askean garatu da eta horri esker ILO-NBEko aholkularitza bulegoek aukera dute pertsona errefuxiatuei arreta eta aholkularitza zerbitzuak emateko. Plataformaren ezaugarrietako bat da aukera ematen duela pertsonaren kokapenaren eta profilaren arabera deiak era automatikoan beste helbide batera zuzentzeko, arreta hobetuz. Halaber, eskabideak erabiltzaile bakoitzaren fitxara lotzen dituen ahots-postontziaren sistema du erantzunak azkartuz eta arreta hobetuz. Call center berriarekin aukera egon da maila geografikoan kokapen oso desberdinetan dauden agenteak sistema zentralizatu baten biltzeko.
Tokiko hornitzaile baten makinerian ezarri den irtenbide honen garapen teknologikoaren ardura izan duen enpresa Irontec izan da. Euskal konpainiak egin duen ekarpenik nabarmenena software askeko teknologien inplementazioa izan da, irtenbide malguagoa, irekiagoa eta eskuragarriagoa garatzeko bideak eskaini dituelako, aldi berean zerbitzuaren segurtasuna eta erabateko eskuragarritasuna bermatuz.
Irontec enpresa Bilbon dago kokatuta eta 16 urteko esperientzia dauka teknologia irekietako irtenbideen garapeneko aholkulari moduan. Joan den ekainean enpresak software aske eta teknologia berrien arloko hornitzailerik onenaren Open Awards 2019 saria lortu zuen.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.