Jakiberri ekimenak euskal fast food osasuntsuaren lehen prototipoak aurkeztu ditu
Proiektuak hainbat plater garatu ditu errezeta tradizionalak berreskuratuz
Nolakoa izango litzateke euskal produktuetan eta errezetetan oinarritutako janari azkarra? Galdera horixe da Jakiberri proiektuaren abiapuntua, zeinak helburutzat baitauka elikagaien ildo berri bat sortzea. Erronka da azkar egin daitezkeen platerak asmatzea, baina aldi berean osasuntsuak, kalitatezkoak, erakargarriak eta euskal jatorrikoak izan daitezela.
Proiektu horretan berrikuntza kolaboratiboko prozesu bat egin da, non parte hartu duten hiritarrek, ideia lehiaketen bidez, eta baita ere gastronomia sektoreko profesional eta agenteek. Lehenik eta behin, dekalogo bat egin zen “azkar prestatutako euskal jakiak” kontzeptuaren oinarrizko elementuak zehazteko. Ondoren, ideiak eta proposamenak bildu ziren elikagai berriak sortzeko. Azkenik, prozesuaren amaieran 24 prototipo-familia garatu dira.
Ekainaren 12an, Etorkizuna Eraikiz Gipuzkoalab Hub espazioa abiarazi zenean, aurkeztu ziren Jakiberri proiektuaren aurrerapenak eta orain arte sortutako prototipoak erakutsi ziren. Bertaratuek aukera izan zuten euskal janari azkar osasuntsuaren proposamenak dastatzeko: kukurutxo formako talo bat itsas jatorriko betegarriarekin; karapaixo modernizatu bat, txorizoa izan beharrean barazkiak eta gozagarriak dituena; eta hasierakoak eta postreak aurkezteko asmatutako poteak.
Proiektuak erantzuna ematen die hainbat erronkari: batetik, nekazaritzako produkzioaren balioa erori egin da Euskadin, gaur egun BPGaren %1aren azpitik baitago; bestetik, gero eta gehiago kontsumitzen da janari prestatua. Fast food merkatuak 98 milioi euro sortzen ditu urtean Euskadin, eta 2.000 milioitik gora Estatuan. “Suedian, adibidez, nola jakien heren bat fast food-ean oinarrituta dagoen, administrazioek proiektuak bultzatu dituzte janari azkar osasuntsu suediarra sortzeko” azaldu du Aitor Orobengoak, ISEAko Jakiberri proiektuaren arduradunak. “Euskadin, gastronomiako erreferente izan arren, ez daukagu horrelako produkturik, zeintzuek aberastasuna sor bailezakete nekazaritzako ustiategietan eta euskal enpresa-sarean”.
Gaur egun, prototipo-ildo desberdinak identifikatu ondoren, proiektuaren helburu nagusia da errezetak egokitzea seriean egin ahal izateko eta negozio-ereduak garatzea. “Jendeak prototipoak probatzen dituenean ikusten du badutela lotura euskal janari tradizionalarekin, eta osasun eta kalitate kontzeptuekin” dio Aitor Orobengoak, “uste dugu orobat aukera eman diezaiekeela sukaldariei beren sormena ustiatzeko, eta ideia berriak sortzeko guk irakasten diegunetik abiatuta”.
ISEA, Basque Culinary Center, Mondragon Health, Jakion, Auzo Lagun eta Debagoienako Eskualde Garapenerako Agentziak bultzatzen dute Jakiberri, Innobasque erakundearen laguntzaz.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.