Keynetic, Gik, Edurobotic eta Arquinea enpresek irabazi dituzte Abiatu sariak
UPV/EHUko Zitek programak bultzatzen du sariketa hori.
Abiatu sarien helburua da aitorpena egitea UPV/EHUk Bizkaian duen campusean sortutako oinarri teknologikoko enpresa gazteen lanari. Euskal Herriko Unibertsitateak, Bizkaiko Foru Aldundiak eta BEAZek (Zitek programaren bitartez) antolatzen dute aurten zazpigarren edizioa bete duen Abiatu sariketa. Martxoaren 5ean jakinarazi zituzten aurtengo irabazleak: Keynetic Technologies eta Gik live enpresek irabazi dute lehen saria (5.000 euro), eta Arquinea estudioak eta Edurobotic enpresak bigarrena (2.500 euro).
Keynetic Technologies spin-off bat da, UPV/EHUko Ingeniaritza Telematikoko Ikerketa Taldetik sortua. Jon Matías eta Jokin Garay telekomunikazioko ingeniariek bultzatutako proiektu horrek software bidez definitutako sareetan oinarritutako zibersegurtasun konponbideak garatzen ditu. Gik live izan da lehen saria irabazi duen beste startupa. Enpresa horrek ardoaren mundua astindu duen edari alkoholdun bat sortu du, kolore urdinekoa eta Espainiako eskualde desberdinetako mahatsez egina. Ekintzaile, ingeniari, diseinatzaile eta komunikatzaile gaztez osatutako lantalde bat dago Gik enpresaren atzean. UPV/EHUko ingeniaritza fakultatearekin eta beste hainbat enpresarekin lan egin dute “ardo urdina” garatzeko, eta dagoeneko 25 herrialdetan merkaturatu dute beren produktua.
Abiatu lehiaketako bigarren saria Arquinea estudioarentzat eta Edurobotic proiektuarentzat izan da. Arquineak diziplina anitzeko arkitektura- eta diseinu-lanak egiten ditu. Edurobotic-ek tailer eta jarduera hezitzaileak antolatzen ditu Scratch, Lego Wedo, mOway eta Arduino bezalako tresnak erabiliz, neska-mutilek robotika eta programazioa ikas dezaten.
Zitek UPV/EHUren laguntza-programa bat da, Bizkaiko campuseko unibertsitate-komunitate osoari zuzendua dagoena (ikasleak, titulatuak, irakasleak, ikerlariak eta administrazioko langileak). Ekimen horren helburu nagusia da oinarri teknologikoko enpresa berritzaileen sorkuntza bultzatzea, unibertsitatean sortzen den ezagutza transferitzeko. Eta horretarako jasotzen ditu BEAZen eta Bizkaiko Foru Aldundiaren laguntza eta FEDER, Eskualdeen Garapenerako Europako Funtsaren finantzaketa.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.