Kuik! enpresak bere prozesuetan Adimen Artifiziala gehitu du digitalizazio-zerbitzu pertsonalizatuagoak eta automatizatuagoak eskaintzeko helburuarekin
Kuik! Digital Solutions ingeniaritza teknologiko bat da, enpresei digitalizazio-prozesuan laguntzeaz arduratzen dena, programazioa, IT mantentze-lanak eta zibersegurtasuna bezalako arloak inplementatuz. Konpainiak Errenterian eta Gasteizen ditu egoitzak, eta hainbat alorretako enpresa publiko eta pribatuekin egin du lan, hala nola Iraupen, EiTB, Gorla Taldea eta Uvesco. “Arazorik gabe egokitzen gara sektore bakoitzaren beharretara, beti daude balioa eman eta hazkunde teknologikoan lagundu dezakegun arloak”, adierazi du Beatriz Castro Kuik!-eko komunikazio arduradunak.
Berriki, Kuik! bere soluzioen artean Adimen Artifiziala inplementatzea lortu du, bere bezeroen esperientzia hobetzeko helburuarekin. Horrela, prozesuak automatizatzen dira, eta horrek eraginkortasun handiagoa eta, batez ere, erabakiak hartzeko ezagutza handiagoa eragiten du. “Soluzio pertsonalizatuagoak eta bezero bakoitzari egokituagoak eskaintzen laguntzen gaitu. Ez dugu giza faktorea ordezkatu nahi; alderantziz, indartu egingo dugu”, zehaztu du Beatriz Castrok.
Tresna berri hori bere eskaintzan ezagutarazteko, Gipuzkoako enpresa hainbat gosari teknologiko antolatu ditu. Gosari horietan, produktibitatea hobetu eta datuak ahalik eta gehien aprobetxatu nahi dituzten bezeroak eta enpresak biltzen dira, adimen artifiziala beren prozesuetan txertatzen laguntzeko. “Giro erlaxatu eta kolaboratiboa sortu dugu, non enpresa bakoitzak ikasi ez ezik, kezkak eta ideiak partekatzeko ere eroso sentitzen den”, azaldu dute Kuik!-en arduradunek.
AAren berritasunaz gain, prozesuen digitalizazioan garrantzi handia du zibersegurtasunak. “Badakigu digitalizazioak babes-geruza sendo bat behar duela. Horregatik, babes-teknologiak ezartzen ditugu, Sophosen soluzioak, esaterako, erasoak aurreikusteko eta arriskuak murrizteko”, nabarmendu du Beatriz Castrok.
Ingeniaritza teknologikoak 60 langile ditu gaur egun, eta hurrengo hilabeteetan zabaltzea du helburu. Aurrera begira, Kuik! -ek modu iraunkorrean haztea eta berrikuntzan inbertitzen jarraitzea nahi du. Gainera, enpresak garrantzi handia ematen dio bere langileen gaitasunak garatzeari. “Oinarri horiekin, enpresei balioa ematen jarraitzeko eta etorkizuneko erronkei aurre egiteko prest gaude”, gaineratu du.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Agua Embrujadak infusioen sektorea gama handiko alternatiba jasangarriekin irauli du
Arabako enpresak osagai naturalen eta prozesu iraunkorren aldeko apustua egin du, kalitate handiko teak eta infusioak eskaintzeko.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du