LanAldi Aholkatuz programak beren etorkizun profesionala aukeratzen laguntzen die gazteei
Maiatzaren 10ean proiektu horri buruzko saio informatzaile bat egingo da Bilbon
Novia Salcedo Fundazioak LanAldi Aholkatuz programa abiarazi du, orientazio bokazionalaren inguruko laguntza emateko gazteei, familiei eta irakasleei. Proiektu horrek hainbat saio antolatzen ditu motibazio pertsonalak identifikatzen ikasteko eta eskaintzen diren prestakuntza- eta lan-aukerak ezagutzeko.
Lehen fasean, Novia Salcedo Fundazioko lantaldeak Nerbioi-Ibaizabal Mankomunitatean garatu zuen programa, non tailer orokorrak antolatu baitzituzten, batetik, gazteei eta, bestetik, familia eta irakasleei zuzendurik. Horrez gain, saio espezifikoak ere egin zituzten sektore anitzetako profesionalekin. Esperientzia hark izandako arrakastaren ondoren, fundazioak proiektua zabaldu nahi du interesatuta dauden ikastetxe eta udal guztietara.
Tailerrek, batik bat, bi helburu dituzte: batetik, norbere burua hobeto ezagutzen laguntzea eta, bestetik, informazioa ematea eskaintzen diren hezkuntza-ibilbideei, irtenbide profesionalei eta lan-merkatuko joera nagusiei buruz. “Askok egiten digute galdera bera: zeintzuk dira irtenbide gehien dituzten karrerak? Guk ikusarazten diegu zein beharrezkoa den jakitea zer gustatzen zaien, askoz garrantzitsuagoa baita jakitea zein den beren benetako pasioa, gero pasio horren bitartez lana bilatzeko” azaldu du Koro Allendek, Novia Salcedo Fundazioko hezkuntza-proiektuen kudeaketako arduradunak.
Novia Salcedo Fundazioak gazteekin lan egiten duten irakasle eta profesionalentzako topaketa informatzaile bat antolatu du datorren maiatzaren 10ean, Bilbon dauzkan bulegoetan. Jardunaldiaren helburua da ekimena ezagutaraztea, interesatuta dauden erakunde guztiek proiektuarekin bat egin dezaten. Ikastetxeen kasuan, tailerrak beraizik zuzentzen zaizkie Bigarren Hezkuntzako azken urteetako eta Batxilergoko ikasleei.
LanAldi Aholkatuz proiektua LanAldi programaren barruan sortu zen, zeinak ibilbide luzea baitu Novia Salcedo Fundazioaren barruan. Ekimen horren helburua da ikasle gazteak lan-munduarekin konektatzea, ingurune profesionalak bisitatuz. LanAldi onlineko plataformaren bitartez, ekimenean parte hartzen duten neska-mutilek lehenik prestakuntza txiki bat jasotzen dute, argiago identifikatzeko bakoitzaren lehentasun profesionalak. Hortik abiatuta, proiektuan inskribatuta dauden 500 profesional boluntario inguru hautatu ditzakete; gero aukeratutako horren lantokia bisitatuko dute, eta hurbiletik ezagutuko dute bere eguneroko lana. 2017an, 24 ikastetxek eta 1.600 ikasle inguruk parte hartu zuten LanAldi proiektuan.
Ekimena zabalik dago baita ere boluntario gisa parte hartu nahi duten profesionalentzat. Parte hartzeko nahikoa da onlineko plataforman izena ematea, eta prest egotea egun batez ikasleei erakusteko zertan datzan norbere lanbidea. “Boluntarioei gida-liburu bat ematen diegu, baina, funtsean, gaztea ondoan hartu eta beren eguneroko lana egin behar dute, beren esperientzia azalduz eta zalantzak argituz” adierazi du Koro Allendek.
Lotutako albisteak
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”
Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.
Isabel Urbano: “Novia Salcedo Fundazioarekin praktiketan dauden gazteen %60k kontratu bat lortzen dute”
Novia Salcedo Fundazioak 45 urte inguru eman ditu ikasketa-ingurunetik lan-mundurako trantsizioa errazten, prestakuntza praktiko ez-laboraleko programen bidez.
AIDTEC Solutions :“Ekintzaileak zaindu egin behar ditugu”
Nekazaritza jasangarriagoa lortzeko soluzioetan espezializatutako startuparen sortzaileetako bat da Izaskun Oribe
Naberan Sareak: “Hazinnovak enpresan pertsonen arteko harremanak hobetzen lagundu digu”
Gipuzkoako enpresak itsasorako arraste-sareak fabrikatzen ditu berrikuntza-elementu ugarirekin, artisau-lana eta teknologia aurreratua konbinatuz.