Landoo: “Enpresen digitalizatzean oinarritzen da gure lana, prozesuak ere aldatuz”
Edozein enpresa digitalizatzeko prozesuan, haren tamaina eta ezarritako teknologiak kontuan hartu gabe, kudeaketa-softwarearen soluzioak ezarri behar dira, hala nola ERP edo CRM. Teknologia horiek kontuen kudeaketarekin, giza baliabideekin edo produkzioaren plangintzarekin eta kontrolarekin lotutako beste tresna batzuekin integratzeko aukera emango die.
ERPa (Enterprise Resource Planning) baliabideak planifikatzeko enpresa-softwarea da. Erraminta honek enpresako barne-prozedurak alderdi operatiboekin edo produktiboekin lotutako negozio-praktika gehienak automatizatzeko aukera ematen digu. ERP batek sailen arteko informazio-trukean eta horien kontrolean jarduten du ekoizpen-kostuak murrizten laguntzeko, stockak kontrolatzeko, salmentak analizatzeko, fakturak monitorizatzeko eta kontabilitatea edo nominak kudeatzeko.
Landoo enpresa donostiarra 2016an sortu zen, eta aholkularitzan eta ERP Odoo ezartzean espezializatuta dago. Odoo software irekiko ERP bat da, edonork alda edo egokitu dezakeena, eta komunitateak sortutako 6.000 negozio-aplikazio baino gehiago biltzen ditu, salmentekin lotutako jarduerak barne, CRM (bezeroekiko harremanak kudeatzera bideratutako aplikazioa), proiektuak, biltegiak, fabrikazioa eta abar. ERP hori enpresaren barne-zerbitzarietan nahiz online-hodeian instalatuta egon daiteke. 6 milioi erabiltzaile baino gehiago ditu mundu osoan.
Landooko arduradunak oso argi dute enpresen eraldaketa digitalerako bidea, batez ere 10 langiletik gorakoena, horrelako kudeaketa-softwarean oinarritzen dela Josean Soroa Landooko Proiektuen zuzendariak azpimarratu duenez: “Enpresak digitalizatzen ditugu, prozesuak ere aldatuz. Ez da, besterik gabe informatizatzea edo digitalizatzea, baizik eta gauzak modu desberdinetan egitea, horrelako tresna batekin askoz prozesu hobeak egin baitaitezke”.
Adibide bat litzateke fakturak eta erosketa-prozesuak baliozkotzeko Odoo-n oinarritutako soluzioak erabiltzea. “Normalean, enpresa gehienetan, norbaitek erosketa-eskaera bat egiten du, inprimatu egiten du, paper hori mahai batera joaten da, mahai horretan norbaitek berrikusi egiten du, sinatu egiten du, beste mahai batera joaten da… eta bi asteren buruan papera iristen da dagokion sinadura guztiekin. Odoorekin, hasteko, ez dago paperik, ez da ezer inprimatzen, eta, beraz, paper horrek ez du mahaietan egon behar, eta ez da galduko; aitzitik, sisteman eskaera bat dago, eta badaki eskaera-proposamen hori pertsona batetik bestera joango dela, eta botoi bati emanda onartuko dituzten abisuak iritsiko zaizkiela. Prozesu horiek bi aste beharko lituzkete, eta papera bidean gal liteke. Orain, goiz batean egiten da”, azaldu du Landooko Proiektuen zuzendariak.
Barne-mailako abantailak, baina baita kanpo-mailakoak ere baditu, bezeroei begira, Soroak zehazten duen bezala: “Odook aukera ematen du zure bezeroek eskaerei edo fakturei buruzko informazioa izan dezaten. Hori guztia posta elektronikoz edo beste moduren batean iristen zaie, eta, gure kasuan, atarirako sarbidea eskaintzen diegu. Horrela, zure bezeroak, gako bat eman ondoren, ERPan sartzen dira eta atal bat dute, non faktura, albaran eta eskaera guztiak ikusten dituzten, haiekin kudeatzen ari zaren heinean”.
Odook 50 aplikazio espezifiko handi ditu enpresentzat, honako arazo hauek konpontzeko asmatuak: kontabilitatea, fakturazioa, marketin digitala, biltegien kudeaketa, fabrikazioa, logistika, giza baliabideak, eta abar. Horrez gain, lehen aipatutako 6.000 aplikazio txiki gehiago ditu, hainbat behar asetzeko. Horietako bat Ticket BAI da, Foru Ogasunen eta Eusko Jaurlaritzaren baterako proiektua, iruzur fiskalaren aurkako borrokan aurrera egiteko eta zergadun guztiek betebeharrak betetzea errazteko. Kasu zehatz honetan, Landook eta beste euskal ‘partner’ batzuek Odoo-rako Ticket BAI modulu bat garatu dute, euskal enpresei zuzendua.
Landook, eta, oro har, IKTen sektorearekin lotutako enpresek, biderkatu egin dute COVID-19aren eta konfinamenduaren testuinguruan egindako lana. “Enpresek, bat batean, etxetik lanean egitea lortu zuten edo saiatu ziren. Horrek informazio guztia online-hodeira igotzea eragin du, dokumentuak digitalizatu behar izan dute, ezin zutelako papera etxera bidali sinatzeko, eta, egia esan, bezero dezente etorri zaizkigu. COVID-19a izan da pausua ematera bultzatu duen gakoa, eta digitalizatzeko prozesua eragin du enpresetan”, Josean Soroak azpimarratzen duenez.
Landook EAEtik haratagoko bezeroak ditu (bezeroen % 30 Euskal Autonomia Erkidegoan eta beste % 70 Estatu mailan), eta berriki Odooren ‘partner’ onena bezala aitortua izan da negozio bolumenari eta ERParen ezarpenari dagokionez, Espainia mailan. Etorkizuneko erronkak enpresa sendotzen jarraitzea eta bezeroen ezarpenei eta beharrei laguntza ematea dira. Ildo horretan, Odoo IoT plataformetan integratzeko lanean ari dira: “Raspberry eta horrelako sistema irekiak bezalako teknologia irekiak erabiliz egin nahi dugu aurrera IoTaren esparruan. Instalazioan datuak atzemateko proiektu bat gidatuko dugu, gure ERParekin konektatuko dena eta SCADA edo MES sistemen bidez informazioa denbora errealean izatea ahalbidetuko duena. Fabrikatzaile batekin ari gara lanean, eta datorren urterako proiektu interesgarri bat dugu, Espainian horrelako konponbideetan espezializatutako ezarle gisa kokatzeko aukera emango diguna”.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. Aurkitu hemen eskuragarri dauden laguntza guztiak.
Lotutako albisteak
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.