Lankidetza-hitzarmen batek adimen artifiziala bultzatu nahi du manufakturaren euskal sektorean
Ideko zentro teknologikoak, BRTA aliantzako kidea, CFAA Fabrikazio Aeronautiko Aurreratuko Zentroak (UPV/EHU Euskal Herriko Unibertsitatearen zenro mistoa), IMH Campus prestakuntza aurreratuko zentroak, eta BCAM Matematika Aplikatuaren Euskal Zentroak gaitasunak batu dituzte ekoizpen-inguruneen digitalizazioa bizkortzeko. Aula AIMS, Artificial Intelligence Manufacturing for Sustainability, izena eman diote elkarlanaren bidez fabrikazio industrialaren sektorean adimen artifizialeko irtenbideak ezartzea sustatu nahi duen akordio berriari.
CFAAren instalazioetan kokatuta, Zamudioko Bizkaiko Zientzia eta Teknologia Parkean, unitate honek adimen artifizialeko eta digitalizazioko azken teknologiak fabrikazio aurreratuko inguruneetara eramateko erronkari helduko dio. Horretarako, diziplina anitzeko aliantza bat sortu du, eta, proiektutik ziurtatzen dutenez, “funtsezkoa izango da digitalizazioa bizkortzeko eta euskal industriaren ekoizpen-sistemetan funtzio berriak txertatzeko”.
Sektore honetan adimen artifiziala bultzatzeaz gain, Aula AIMSek epe ertainera fabrikazio industrialaren sektoreek eskatzen duten berrikuntza sortzeko eta ingurune horien errealitatea etorkizuneko ikertzaileei hurbiltzeko gai diren profesionalak prestatzea du erronka. “Helburu hori lortzeko, profesional motibatuen, ilusionatuen eta egin beharreko bidearen ikuspegi komuna dutenen prestakuntza funtsezko pieza da. Horrela, gizartearekin eta industriarekin dugun konpromisoari erantzuten diogu”, proiektuaren arduradunen esanetan.
Lau zentro, helburu bat
Ekimenaren arduradunen arabera, Aula AIMS “mugarri bat da, teknologian eta berrikuntzan funtsezko jauzi kualitatibo bat emateko aukera emango diguna”, eta, horretarako, kolaborazaile bakoitzak bere talentua, teknologia eta esperientzia emango ditu. Idekok langile espezializatuak emango ditu, makina-erremintaren sektoreaz eta adimen artifizialeko teknologiez duten ezagutza gune berri honen zerbitzura jartzeko. CFFAk, UPV/EHUren zentro misto gisa, aeronautika sektorera zuzendutako fabrikazio aurreratuan duen esperientziarekin lagunduko du, telekomunikazio edo informatika arloetako langile kualifikatuez gain.
Bestalde, BCAMek, matematikak herrialdeko produkzio-sektoreetan izan dituen azken aurrerapenak ezagutzen dituenak, ekimenaren dimentsio zientifikoenean lan egingo du. IMH Campusek, berriz, UPV/EHUri atxikitako zentroak eta Zientzia, Teknologia eta Berrikuntzaren Euskal Sareko eragileak, fabrikazio aurreratuan adituak diren pertsonak prestatzen jarraituko du, industriak eskatzen dituen trebetasun eta gaitasunekin, lanbide-heziketaren, unibertsitate-prestakuntzaren eta etengabeko prestakuntzaren bidez.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean