Lantegi Batuak-ek bere know-how-a eskainiko du Extremadurako Implicados proiektuan
+Implicados ekimenaren helburua da ezgaitasuna duten pertsonentzako enplegu-zentro bereziei laguntzea.
Iberdrolak bultzatutako proiektu horretan Lantegi Batuak-ek eta LKS S.Coop erakundeak parte hartzen dute, eta berriki beste edizio bat abiarazi da, kasu honetan Extremaduran.
Programaren helburua da erakunde sozialei laguntzea beren eraginkortasuna hobetzen eta enpresa-aukera berriak detektatzen, bide horretatik, ezgaitasuna duten pertsonen enplegagarritasuna handitzeko. Horretarako, Lantegi Batuak-ek jarduera-sektore anitzetako enplegu sorkuntzan daukan esperientzia eskaintzen du. “Saiatzen gara gure filosofia bera duten ekimen sozialeko zentroei laguntzen” dio Txema Francok, Bizkaiko erakundeko zuzendariak, “denborarekin bildutako ezagutza transferitzen diegu antolakunde horiei, betiere helburutzat harturik ezgaitasuna duten pertsonen enplegu egoera hobetzea”.
+Implicados proiektuak hamar urte baino gehiagoko ibilbidea du, eta hainbat lurraldetan jarri da martxan. Iaz Gaztela Mantxan garatu zen, eta aurtengo irailean edizio berri bati ekin dio Extremaduran, Extremadurako Hezkuntza eta Enplegu Sailaren parte-hartzearekin. Prozesuan zehar laguntza eta babes plan bat egiten da, lurralde bakoitzaren errealitateak kontuan hartuz. “Giltzarrietako bat da lan- eta negozio-aukeren sorkuntza egokitzea tokian tokiko industria- eta zerbitzu-ehunaren ezaugarrien arabera” azaldu du Txema Francok. “Gainera, laguntza eman behar zaie kudeaketa-maila aurreratuagoa eta lehiakortasun handiagoa lortzeko, eta horretarako egiten da, adibidez, plan estrategikoa”.
Lantegi Batuak eta laneratzearen arloko Euskadiko enpresa sozialak jardunbide egokien erreferente bihurtu dira Estatuan. EHLABEk (Enplegu Bereziko eta Ekimen Sozialeko Erakundeen Elkartea) ekainean aurkeztutako datuen arabera, Euskadin ezgaitasuna duten pertsonen enplegu-tasa %33,2raino hazi da azken urteetan eta langabeziak behera egin du %15,9raino. Estatuan, berriz, kolektibo horren enplegu-tasa %24 ingurukoa da, eta langabezia %31koa.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.