Librecon: teknologia irekiak, erantzuna emateko telelanaren, hezkuntzaren eta 4.0 Industriaren erronkei
Librecon kongresuaren 2020ko edizioa azaroaren 11n egin zen, Garai berrietarako Open Teknologia izenburupean eta parte-hartzaile kopuru handia bildu zuen. 1.300dik gora pertsona batu ziren hitzordu digitalean, non teknologia irekiekin erlazionatutako arlo desberdinetako 23 hizlarik parte hartu zuten. Topaketa horretan –ESLE-k eta Asolif-ek antolatua- partekatuko konponbide berritzaileek erantzuna eman diezaiekete gizartearen erronka handiei, hala nola, telelan eredu berriei, urruneko hezkuntzari, Administrazio Publikoen eraldaketari eta 4.0 Industriari.
Jardunaldi hori Bilboko Euskalduna Jauregian egin zen, Eusko Jaurlaritzaren (SPRI Taldearen bitartez), Bilboko Udalaren eta Bizkaiko Foru Aldundiaren babesarekin. Kongresuan ezagutzera eman ziren teknologia irekien arloko azken joerak eta nolako potentziala duten teknologia horiek Covid-19ak azkartu duen digitalizazioari erantzuteko. Hizlariek estrategia berriak partekatu zituzten une honetan bizi dugun eraldaketari aurre egiteko, eta hainbat adibide praktiko azaldu zituzten erakusteko nola aplikatzen ari den software librea enpresa eta antolakundeen digitalizazioan.
Enrique Rodal eta Mónica Vallek aurkeztu zuten Kongresua, non orobat erakutsi zen software libreko enpresa teknologikoek badutela indarra Euskadin. Sektoreak % 15 eta % 20 bitarteko hazkundea izan du, eta kalitatezko enplegu sortzaile garrantzitsua da maila lokalean. Teknologia irekiak errotzen ari dira hainbat jarduera-eremutan, euskal enpresa teknologikoen % 80 inguruk software librea erabiltzen dutelarik euren prozesuren batean. Librecon ekitaldiko edukien arduradun eta ESLEko zuzendaritza batzordeko kide Iker Sagastik azaldu zuenez, “hauxe da unea Administrazio Publikoei eskatzeko egin dezatela apustu software librearen alde, lagungarri izango delako tokiko garapen ekonomikoarentzat eta hain funtsezkoa den teknologia sektorearen subiranotasunarentzat”.
Librecon nazioarteko topaketa bat da, erreferentziazkoa ekonomiaren sektore estrategikoei aplikatutako teknologia irekien sektorean. ESLEk (Euskadiko teknologia libreko eta ezagutza irekiko enpresen elkartea) eta Asolif-ek (Software libreko enpresen Espainiako federazioa) bultzatzen dute ekitaldia.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.