LibreCon topaketak teknologia irekien arloko kasu arrakastatsuak bilatu nahi ditu
Kongresua azaroaren 21ean eta 22an egingo da Bilbon
Open Source arloko azken joerei buruzko LibreCon topaketak call for papers berri bat ireki du 2018ko ediziorako. Deialdi hori beraizik zuzentzen zaie teknologia irekietan oinarritutako proiektu berritzaileak ezagutzera eman nahi dituzten enpresa eta profesionalei. Proposamenak aurkezteko epea zabalik egongo da maiatzaren 25era arte.
Hainbat modutan parte har daiteke: kasu arrakastatsuak aurkeztuz, enpresei lehiakortasun-hobekuntzak ekarri dizkieten teknologia irekien ereduak azalduz edota workshop bat antolatuz bertaratuei produktu edo zerbitzu berritzaile bat erakusteko. Call for paper deialdiak hainbat gai barne hartzen ditu: merkataritza, ziber-segurtasuna eta enpresen eraldaketa digitala, prestakuntza eta talentu bilaketa, edo finteck, besteak beste.
Teknologia irekiei buruzko Europa hegoaldeko ekitaldi garrantzitsuenetakoa bihurtu den LibreCon ekitaldiak azaroaren 21ean eta 22an egingo du bere 8. edizioa. Aurtengo kongresuak hiru gai izango ditu ardatz: 4. Iraultza Industriala, Administrazio Publikoak eta Finantzak. Open Source teknologiak hasi dira erakusten badutela potentziala arlo horietarako konponbide berritzaile seguruagoak, gardenagoak eta merkeagoak sortzeko. Hitzaldiz, eztabaidaz eta aurkezpenez osatutako egitarau zabal bat eskainiko da, azken joerak partekatzeko eta profesionalen arteko topaketak sustatzeko.
ESLEk (Euskadiko Teknologia Libreko eta Ezagutza Irekiko Enpresen Elkarteak) eta Asolif-ek (Software Libreko Enpresen Federazio Nazionalak) antolatzen dute LibreCon ekitaldia. Aurtengo edizioan, bat egin du Deutsche Messe erakunde alemanak bultzatutako CEBIT jardunaldiarekin, berrikuntzari eta eraldaketa digitalari buruzko Europako ekitaldiarekin. Kongresu horrek Eusko Jaurlaritzaren, Bizkaiko Foru Aldundiaren eta Bilboko Udalaren laguntza ere badu.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean