Lotura, enpresei neurrira egindako digitalizazioa eskaintzen dien Donostiako kooperatiba
Gipuzkoako Lotura kooperatibak neurrira egindako digitalizazioa eskaintzen die enpresei. Konpainia industrialei eta hirugarren sektoreko enpresei zuzendutako zerbitzu bizia da. Enpresak SPRI Taldearen Kloud programaren laguntza bat jaso du. Zerbitzu, datu eta aplikazio informatiko guztiak Cloud eremuetara migratzen laguntzen die programa horrek EAEko enpresei. SPRI Taldeak EAEko enpresei beren proiektuak ezagutarazteko aukera eskaintzen die “Zutaz mintzo gara” egitasmoaren bidez.
Merkatuan dauden askotariko ERPen (SAP, SAGE, Salesforne…) bidez konektatutako B2B-B2C plataformen garapenean eta barne-kudeaketarako prozesuen automatizazioan espezializatu da Lotura. “Beste sistema informatiko batzuekin integratuta dauden web-aplikazioak neurrira garatzen gaude espezializatuta. Besoz beso lan egiten dugu bezeroarekin. Horretarako, lantalde bat sortzen dugu bezeroaren beharrak aztertzeko, bezeroaren edo langileen esperientzia diseinatzen dugu, eta software libreko cloud aplikazio bat garatzen dugu”, azaldu dute Idoia Sotok eta Idoia Iradik, enpresako bazkideek.
Industria-sektoreko enpresetan, normalean, telefonogune kolapsatuak, eguneratu gabeko informazioa duten bezeroak edo Excel baten bidez kudeatutako prozesuak topatzen dituzte. Neurrira egindako eta bezeroaren ERPra konektatutako aplikazio batekin konpondu daitezke arazo horiek. Garapen horiek martxan jarrita, eskariak azkartu egiten dira, bezeroen jarraipena optimizatu egiten da, energiaren kostuak murriztu egiten dira eta zerbitzu berriak sortzen dira.
Haren bezero nagusiak industria-sektorekoak eta hirugarren sektorekoak dira. “Neurrira egindako ERPak garatu ditugu, erakundearen jarduera osoa kudeatzeko. Adibidez, Nagusilanek ehunka boluntariorekin funtzionatzen du, eta informazio hori guztia hainbat Excelekin kudeatzen zuten. KutxabankStore, Alycotools, JMA eta beste batzuentzako B2B/B2C-ak ere garatu ditugu”.
Loturaren plantilla zazpi kooperatibistak osatzen dute, eta I+G arloa giltzarria da gure konpainiarentzat.
Barneko zerbitzari bat erosteko eta hodeiko icloud zerbitzari batzuk kontratatzeko erabili dute SPRI Taldearen Kloud programaren laguntza, “bakoitzak zerbitzari bat izateko eta funtzionamenduaren segurtasuna bermatzeko”.
Digitalizazioarekin jarraitzea eta enpresei neurrira egindako web-garapena eskaintzea dira etorkizuneko erronkak. “Merkatuan topatzen ez diren soluzioekin. Lehiakorrak izaten jarraitzeko behar bat izateaz gain, hazteko eta enpresen eraginkortasuna hobetzeko aukera bat da digitalizazioa”.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.